5 Zin ta boozomen tana bela tipakur Yooba zaana. Pa ni iur sua ma zin tipet.
6 Mi iur zin la murinmurin be timbotmbot ta kembei ma alok. Pa kan sua ta ni iur pataaŋa kek na, irao imap na som.
7 Mi niom koroŋ ta kombotmbot su toono na tomini, kapakur Yooba! Niom koroŋ mburanŋan ki tai mi mozo lukutuunu na, kapakuri!
8 Mi lolo niini, mi yaŋpat, ŋauŋau mi tolou, mi miiri mburanŋan ta keleŋleŋ la kalŋaana na, kapakuri!
9 Niom abalabal mi lele mbukunbukun ta boozomen, mi ke ŋononŋan mi ke mbolŋan ta munŋaana men ki su na, kapakuri!
10 Mi niom mbili kar koyom mi buzur su koyom, niom koroŋ karraŋoyom, mi niom man ta kirie na, kapakuri!
11 Niom king, mi iwal karkari ta boozomen, niom peeze koyom, mi niom ta zoyomŋoyom na, kapakur Yooba!
12 Niom naŋgaŋ mi tamuriŋ, kolman mi pikin, kapakuri!
13 Niom ta boozomen bela kapakur Yooba zaana. Pa ni itutamen ta zaana biibi ma ilip. Koroŋ boozomen ta timbot pa saamba mi toono na, tiswe i kembei ni ta biibi ŋonoono.
14 Mi iŋgi ni ikam wal kini len mburan popoŋana mi ipakur zin mini. Zin wal kini ta tiurur lelen pini mi titoto mbulu kini na, ni ikam ma urun iwe biibi. Pa ni leleene pizin Israel mi imbotmbot kolouŋana pizin. Haleluya!
