112 Tutu ku ta tibeede pataaŋa kek na, nio leleŋ iur be aŋtoto ma irao swoŋ imap.
113 Zin wal ta tiur kat lelen pu som, mi titeege tete ru na, leleŋ pizin risa som. Mi sua ta nu kam piam na, leleŋ pa ilip.
114 Nu we ur pio be aŋke lela, mi nu we siŋgiao pio mi poroukalkaala yo. Tana aŋpase pa sua ku mi aŋzza be iur ŋonoono.
115 Tana niom wal ta kakamam mbulu sananŋana na, koko molo pio. Pa nio leleŋ be motoŋ iŋgalŋgal tutu ki Anutu tio mi aŋtoto.
