8 Niam leleyam be to tana swoono imap karau men. Kozo tomtom toro ikam muriini mi ikeli pa uraata.
9 Lutuunu bizin ko tiwe moondo, mi kusiini iwe nora.
10 Mi ko tipasaana lutuunu bizin ruumu kizin. Tana zin ko tizem lele kizin mi tiwe wal sorrokŋan, mi tiliuliu len sorok ma tinono ruumu be tiru kan kini, mi tizuŋzuŋ zin tomtom pa len pat.
11 Sombe mbun kini imbot ki tomtom sa, na tomtom tana ko imar mi iyo koroŋ kini ta boozomen men ma imap iwe lene. Mi wal pakan ki lele toro ko timar mi tisei len koroŋ kini, mi timbot se uraata kini tieene.
12 Tomtom sa ikampe i pepe. Mi tomtom sa imuŋai zin moondo kini pepe.
13 Popoŋana kini ta boozomen ko timbiriizi ma timap lup. Tana wal tabe tipet pa kaimer i, ko tiute zin risa som. Pa zan imap kat.
14 Sanaana ta tumbuunu bizin tikamam, nako tiso Yooba pa, bekena mataana iŋgalŋgal mi iur ka kadoono ise ki to tana. Mi naana sanaana kini tomini, Yooba imus ma ila ne pepe.
15 Tana sanaana ki to tana ziŋan wal kini na, Yooba ko mataana iŋgalŋgal totomen, mi imus zan ma tila len. Naso tomtom matan mbeleele kat zin.
16 Pa to tana, ni mataana iŋgalŋgal mbulu ki kampeŋana mi muŋaiŋana som. Zin sorrokŋan, mi zin wal ta timbot ŋoobo, mi zin ta lelen ipata kat na, ni iseseeze matan mi ipunun zin ma timetmeete.
