9 Tio eia goio veiale Iesus mago “Mai eme ge toto tulu otalole, eme ge lotu tavuau, tio la papaga tomi ale eme hilotia, eau ge abiamu, eme ge taholea.”
10 Eala moli e Iesus putu oli louala mago “Satan, eme ge hele taroau, la vuhula La Buk Tabu eia toia maie ‘Amuto ge lotu tavu moli La Tahalo Uru sekela, eia La Uru mutou, amuto ge togo moli eia sekela.’”
11 Tio, e Satan goio hiliti taro e Iesus, eia tuga. Goma egiteu la angelo goio sibitala tavu e Iesus ele, egite vitahoala.
