Markus 4:35-40 in Mutu

³⁵ Ndag ee moghon tonenen, Yesu toman taghoniiŋa toni tinepneep le rabrab izi, ghoro ye isaav padi ighaze: “Yo, anim tavool tala pa ya naliu paŋa ite.”

³⁶ Tovenen tighur ival tiina tila, ve taghoniiŋa toni tiza waaŋ to Yesu ineep izala pogho ne, ve tivot tila. Waaŋ pida tila toman di paam.

³⁷ Yesu iwat daba ila ali, ve izi igheen ila waaŋ mbole. Igheen le lolo imaagh. Mala maau ve yaghur tiina kat imundig, le ipei dibom tintina. Ereman ivon ila waaŋ lolo le rismoghon timarub. Tovenen taghoniiŋa toni tivaaŋa, ve tisaav pani tighaze: “Patoŋaaŋ, umundig lak! Yom ugham ŋgar pait, ma maau? Paam talaleed tonene!”

³⁹ Yesu imundig, ve isaav ariaŋa pa yaghur inimale yanooŋi. Ghoro isaav pa dibom ighaze: “Ai, iraua! Atem izi!” Rikia moghon yaghur imaat, ve taun tiina izi.

⁴⁰ Ghoro Yesu isaav pa taghoniiŋa toni ighaze: “Yam amatughez pasa? Aghur ila sone?”

³⁵ Aaz eemon tana, Yesu tomania mbiwa tooni tilepleep le ravrav izi, ra i isaav pazi ighe: “Aiyo, tala tavool pa yaa naliu ziige ite.”

³⁶ Tauvene tipul eval tiina tileep, ve mbiwa tooni tizaa waaŋ tau Yesu ileep izala na, ve tivot tila. Waaŋ siriv tila tomani zi paam.

³⁷ Yesu izi igheen ta waaŋ mboole we, ve iwat daaba pa ali, ve igheen le loolo iveegh kat. Malau mako ve yaghur tiina kat izaa, le ipei dibom tintiina. Ereman iloŋ ila waaŋ loolo, ve rigmon kanaŋ timarum. Tauvene mbiwa tooni tivaaŋo, ve tisaav pani tighe: “Paduduŋaaŋ, uburig lak! Paita tamarum gha talaleen tane! Yo ugham ŋgar pait, ma mako?”

³⁹ Yesu iburig gha isaav ariaaŋ pa yaghur imin yaoniiŋni. Ra isaav pa dibom ighe: “Ai, irao! Atem izi!” Rekia mon yaghur imaat, ve taun tiina izi.

⁴⁰ Ra Yesu isaav pa mbiwa tooni ighe: “Yam aroi pasaa? Aghur ila soone?”