Mark 7:24-34 in Wedau

²⁴ Ma dobuna i voterei ma i nae Taia ana au parata. Ma i rui govaḡa au numa ma eḡa ita ḡoei da rava ita aramanei da tauna kampa, wate eḡa tagotagogina da ita raugovaḡa.

²⁵ Wavine tagogi, Iesu nolana i nonori ma i nei awarina. Tauna eḡa Jew ma Jentail au Phonisia i tupua, Siria ana au parata. Arua-apoapoena, tauna natuna wavinena aburuna i ruini; ma alona i nae Iesu au naona i mae-peu ma ma i vibaḡai da arua-apoapoena ita viopuni.

²⁷ Iesu i aramanei da tauna Jentail; lamna aubaina i riwei i pa, “Eḡa ita ai da roaroa ai lam ata vaia da auou ata verei da au naona roaroa ina am-iaua.”

²⁸ Ma wavine i paribelei i pa, “Bada, aiwai u riwei; lamna riwa kaua. Wate auou, roaroa ai lam momoḡina, kepakepa au gabaurina e rauraua e aniani.”

²⁹ Ma Iesu wei i riwei i pa, “U paribelana kaua, aubaina ma nae au numa. Arua-apoapoena natum i opu-tawanei.”

³⁰ Ma wavine i naeme au numa. Natuna wavinena i ʼnanai i matamatave, arua-apoapoena boiboḡi tevera i opu-tawanei.

³¹ Iesu Taia ma Sidon ana parata i netawanei ma au babaḡela Dekapolis i verautuini ma i nae au Galili topana.

³² Oroto taniḡana potapotana ma menana birebirena i neiai Iesu awarina ma i vibaḡai da urana au inina ita terei da ita vilawani.

³³ Iesu, oroto i taravaina-opunei da taui ava ma ura-gigina, oroto au taniḡana i terei ma ura-gigina ḡelauna i ovai ma menana i vodadani.

³⁴ Nuanuana i bolai ma i ḡoutata au mara; i lavutu tawanana ma oroto i riwei i pa, “Ephatha!” Wei anona, “Ma wanatawanei!”

²⁴ Ma naꞌi meyagaina i voterei ma i nae Tyre au paratana ma au numa i rui, aubaina egha ita ghohei da rava hita haramanei, wate tauna egha tagotagogina da ita rau-govagha.

²⁵ Wavine tagogi Yesu tuyeghana i nonori ma i nei awarina, weꞌi wavinena tauna egha Jew, tauna eteni au Fonisia i tupuwa, Siria au paratana. We wavinena natuna wavinena haburuna aruwa-apoapoena, i ruini. Yamna aubaina ayona i nae Yesu awarina, au naona i raudune ma ivi baghai da aruwa-apoapoena natuna awarina ita vaina tawaneꞌi.

²⁷ Yesu i haramanei da wavinena eteni, yamna aubaina i riwei, “Egha ita ahi da rowarowa ahi yam ana vaini ma ouꞌou ana verei, eꞌegha da, au naona rowarowa hina am hi yauwa.”

²⁸ Ma wavine i pari-beyei, “Bada, yamna riwa kauwa wate rowarowa ahi yam hamohamoghina kepakepa au gabaurina e dabadabarara yana ouꞌou he aniani.”

²⁹ Ma Yesu i riwei, “Ma naeme am au numa. Tam am paribeyana i ahi aubaina aruwa-apoapoena natum au horana tauna i hopuna tawaneꞌi.”

³⁰ Ma i nae me ana au numa ma i tuhaghai da teverana ana au ani eno i enoeno ma aruwa-apoapoena i hopu tawaneꞌi.

³¹ Yesu Tyre paratana i ne tawaneꞌi da au Sidon ma i kwaviviro da au Dekapolis Galili topana au ririvana.

³² Rava ghehauhi oroto tanighana potapotana ma menana birebirena hi neiai ma Yesu hivi baghai da urana au opina ita terei da itavi yawahani.

³³ Yamna aubaina Yesu oroto i taravaina hopunei da tauhi ava ma ura gigina oroto au tanighana i tere ruꞌiyei ma ura gigina i hovai ma menana ivo dadani.

³⁴ Ma au mara i inana ma nuwanuwana i boyai ma i yavutu tawanana ma oroto i riwei, “Efata,” weꞌi anona “Mawana tawaneꞌi.”