Mark 6:7-14 in Wedau

⁷ Ma Iesu, taui 12 i ḡoreiai ma ruaruaḡei ava i paritawanana-opunei ma rewapana i verei da arua-apoapoei ina viaḡaḡana-opunei.

⁸ Ma riwa bagibaginei i riwei i pa, “Ami au vaḡai, eḡa aiwai ona vaia anina jiḡona ava; eḡa lam, eḡa autu bo mane au urami.

⁹ Ae uma ona oteni ma eḡa kwama ḡelauna ona vaia.”

¹⁰ Ma i riwei i pa, “Metauna melagaina o ruiruiana ma i vianinemi. Numa tagoginina au orana ona mae da melagaina ona oputawanei.

¹¹ Mepa da au melagai o ḡeta ma rava eḡa ita vianinemi bo eḡa ita rautaniḡanemi. Nai melagaina ona oputawanei ma aemi pokauna ona rauabuabui da ina aramanei da taui ai wavu!”

¹² Ma taui i opu ma rava awari i raugugula ma i riwei i pa, “Taumi ami ḡoʼapoapoei ona voterei ma ona mae-taviremi God awarina!”

¹³ Taui, arua-apoapoei i viaḡaḡana-opunei. Ma rava doridoriai maḡamaḡaui, olive oirana au kolai i buloi ma i vilawani.

¹⁴ Iesu nolana i nae da rava anatapui i aramanei ma tauna i babaniei. Ma rava ḡelaui i ririwa i pa, “Tauna, kaua vivirewapanai e kaukauei, aubaina tauna John Taubabataito iraḡelei i vomairi me.” Ḡelaui i ririwa i pa, “Tauna Elijah i nememei.” Ma ḡelaui i ririwa i pa, “Tauna peroveta wariaḡai nanare.” Ma gulau Herod, nolana i nonori ma i riwa i pa, “Tau, John Taubabataito uana a borituini; marina i vomairi me.”

⁷ Yesu ana tauvotaghotagho 12 i ghorehi da hivi tagogiyehi ma ruwaruwaghei ava, i pari-tawanehi au meyagai gheha. Tauna, aruwa-apoapoehi ani vovaihubahi, riwapanana i verehi,

⁸ ma i riwehi ipa, “Weꞌi ami naena au horana, ami dighona ava ona vaini, egha purapura ghehauhi egha yam, egha autu, egha money autuna.

⁹ Ae humahuma ona oteni ma egha kwama ghehauhi ona vowai.”

¹⁰ Tauna maitena i riwehi ipa, “Metauna au meyagaina ona enae ma aiyaꞌi ravana e maꞌaemaꞌae naonaowemi, ana au numana ava ona maꞌamaꞌae da meyagaina ona voterei.

¹¹ Ina pa metauna meyagaina ravahi egha hina maꞌe naonaowemi, bo egha hina rau-tanighanemi, yamna ona voterehi ma aemi vunavunana ona rau-habuhabui. Yamna tauhi ahi pariputu.”

¹² Anina ma hi nae ma rava auwarihi hi rau-guguya ma hi riwehi hipa, “Ami ghoha, apoapoehi ona voterehi ma God awarina ona nememeꞌi.”

¹³ Tauhi aruwa-apoapoehi maghamaghauhi hivo vaihubahi ma hivi hopunihi ma olive oil rava doridoriahi, au koyahi hi hiwaghihi da hi yawahana.

¹⁴ Dobu taputapuna ravahi, Yesu he dededei ma riwana i raꞌata. Rava ghehauhi hipa, “John tau babataito i yawahaname. Yamna aubaina da anibaha ghaeghaehi e ghohaghohahi.” Rava ghehauhi hipa, “Tauna Elijah.” Ma rava ghehauhi hipa, “Tauna yamna God ana peroveta, warihagha.”