Text copied!
Bibles in Apalaí

Maku 8:24-32 in Apalaí

Help us?

Maku 8:24-32 in Ritonõpo Omiry

24 Mame mokyro tõsenuhmase repe, —Ahno tõ enẽko ase repe. Yrome wewe panõ rokẽ ytoytõko nase, tykase ynororo eya.
25 Mame enuru tapose ropa Jezu a. Mokyro kure toehse ropa. Kure tõsenuhmase ropa ynororo rahkene.
26 —Atapyĩ taka topohme ytoko ropa. Pata pona ke ytopyra exiko, tykase Jezu tonuremỹpokara a.
27 Morarame Jezu mya toytose typoetory tõ maro imehnõ pata pona, Sezarea Piripopõ pona. Osemae toytorykohtao Jezu tõturuse, —Onokyme ha ahno a? tykase.
28 Ipoetory tomo a tozuhse, —Ahno ẽpurihkane Joãome oekarõko mã toto. Imehnomo, “Eria,” ãko. Imehnomo, “Ritonõpo omi poe urutono,” ãko, tykase ipoetory tomo.
29 Tõturupose ropa Jezu eya xine, —Yrome oya xine ke? Onokyme ha oya xine? tykase ynororo. Mame Peturu a tozuhse, —Ritonõpo nymenekahpyry mase sero nonopõkõ kurãkaneme, tykase ynororo eya.
30 —Jekaro pyra ke ehtoko! tykase Jezu typoetory tomo a.
31 Mame typoetory tõ maro tõturuse Jezu, —Kapu ae Ayhtohpyry ase. Yrome tuhke rokẽ urumekãko mã toto, oesẽkomo, Ritonõpo maro oturuketomo, Moeze omihpyry warõkomo, enara. Utuarimapõko mã toto. Jorihmãko mã toto. Yrome oseruao tõmehse ahtao ẽsemãnõko ropa ase, tykase ynororo.
32 Zae tõturuse ynororo eya xine. Mame Peturu a tarose ynororo mya zupokatohme repe.
Maku 8 in Ritonõpo Omiry