Make 6:7-14 in Enga

⁷ Jisasame akali disaipele kingi ita mende-kisa dee lapoma dutupa epena latala enjele koo dupa watao pina lao pupu lasetala dupa lapo lapo lao pena lea-pyaa.

⁸ Pena lao pituu dapa pyepape lea-pyaa: “Nyakama kaita patamino dokonya mende naminao pangali iki minao pupape. Nee mende manja nayalapape. Nokaina mandipenge mende manja nayalapape. Muni mende manja nayalapape.

⁹ Dopaka doko, nyakama moko pee pyoo pupape. Yonge pee lapoma lao pyoo napupape,” lea-pyaa.

¹⁰ Dopa latala dee baame dokaita lamaiyoo, “Nyakama anda mendenya kolandeami kandeno doko, yuu dokonya katataminoli pyoo anda dokonyaka kalyepape.

¹¹ Yuu mendenya tange endakali dupame nyakama taeme ipamini lamo lao lanyala nayawapi nyakamanya pii doko nasowapi piami kandeno doko, nyakamame yuu doko yakinatala pupape. Pao pituu dupame kandatala masina lao nyakamanya mokonya kuni kungumapi patatamo dupa lyanda lanya nepalapapena,” Jisasame lea-pyaa.

¹² Dopa leamopa dupame pupala endakali dupa mona kapilyina lao pii lamaiyami-pyaa.

¹³ Pii lamaiyoo pituu enjele koo longo mendapua watao piami-pyaa. Dee endakali yaina pyapae longo mendapuanya olipi ipange kai latakamaitala yaina dupa mee injisiami-pyaa.

¹⁴ Jisasanya kenge doko yuu dupa pitakanya taya-pyaa. Dopa piamopa Kiŋi Etote dokome Jisasanya lao pii doko sia-pyaa. Dupame lao pituu, “Jone Kaimbu Pingi doko malunya sakatatala kalai pupu lapae dupa pyoo kalyamona,” leami-pyaa.

⁷ Mana lamaitala Jisasame 12 disaipolo dutupa epena latala, imambu koo dupa watao pina lao pupu lapae maitala, dupa lapo-lapo lao pena lea.

⁸ Pena lao pituu, “Nyakama kaita patamino dokonya nee napengepi, nokainapi, munipi, yonge pee wakaowapi, mende nyoo napupape. Pangali minao, moko pee pyoo pupape” lao kyeto joo lamaiya.

¹⁰ Dopa latala baame dokaita lamaiyoo, “Nyakama pao katatamino gii dutupanya anda tee pyao palitamino dokonyaka paliu kalyepape.

¹¹ Yuu tange dupame nyakama mambo pyao lanyala naeyao, nyakamanya pii doko nasoaka piami kandeno doko, nyakamame yuu doko yakinatala pupape. Yuu tange dupa ketae kenda pipae silyame-lamo lao kandena, nyakamanya mokonya yuu katatamo dupa lyanda lanya setapala pupape” Jisasame lea.

¹² Dopa leamopa, dupame pupala, endakali dupa mona kapilyina lao, wai pii epe doko lamaiyami.

¹³ Pii lamaiyoo pituu, imambu koo longo mendapu watao piami. Dee endakali yaina pyapae longo dupa olipi ipangeme kai pyakamaiyaminopa, yaina dupa mee jia.

¹⁴ Jisasame kalai andake pilyamo lapae doko yuu dupa pitakanya taeyamopa, Kiŋi Erote Antipasame sia. Endakali mendapuame lao pituu, “Jone kaimbu pingi doko malunya sakatatala, kalai pupu lapae dupa pyoo kalyamona” leami.