28 Ende at wogub ne wonou wuriimbigau munon eng wurinob is mon geret igo ne Yisas qebi qamamir: “Wau aibigau waramor eng in musiorun qamb oboun eng me uberburau, eng maigas obouboun?”
29 Ne Yisas qamar: “An ye mom yiimbig ne yesimot ab obounon eng musioruboumon. Tap geret ue,” ende qamarei.
30 Yisas ende wurinob qamb wogub ne ginam eng wogub munon qei inimbigunor qamb wurinou qi Galili end isumirei. Wurinou wes end is igo Yisas wonou wuriimbigau munon eng qi wuriimbig igorib qamb isumirei. Ende igo ne wonomit wurinob qamar: “Munangit wau wurinou qob ue-ue end at ne dui narau bigari yar ba waramari umiba. Uma ne tumunimunorei igama qen ombur gari end bo igom der bugemba.”
