13 Pero tiene otro maga gente ta ganguia y ta habla, “Maga borracho ya ese maga gente.”
14 Despues si Pedro talla parao junto con el once apostoles, y ya habla bien suena y claro, “Maga gente de Judea y todo ustedes que ta esta aqui na Jerusalem, ay esplica ya yo este suceso. Oi enbuenamente conmigo.
15 Este maga gente hende borracho como ta pensa ustedes, cay alas nueve pa lang del dia.
16 Pero este amo el cosa Dios ya manda habla con el profeta Joel:
17 ‘Dios ya habla que este ay sucede durante el maga ultimo dias donde ay manda yo abaja mi Espiritu con todo el maga gente, y di ustedes maga hijo y hija ay habla el di mio mensaje. Yo el Dios ay manda sabe el di mio verdad con el maga jovenes por medio del maga aparicion, y ay manda yo sabe el di mio verdad con el maga viejo por medio del maga sueño.
