ሉቃሳ 6:20-26 in Gofa

²⁰ ባ ታማሬታኮ ፄሊዲ ሃይሳዳ ያጊስ፡ «ሂንቴኖ፥ ማንቆቶ፥ ሂንቴ ኣንጄቲዳይሳታ፤ ፆሳ ካዎቴꬃይ ሂንቴሳ።

²¹ ሂንቴ ሃዒ ኮሻቴይሳቲ ኣንጄቲዳይሳታ፥ ሂንቴ ካላና። ሂንቴ ሃዒ ዬኬይሳቲ ኣንጄቲዳይሳታ ሂንቴ ሚጫና።

²² ኣሳይ ሂንቴና ኣሳ ናዓ ጊሾ ኢፂያ ዎዴ ሂንቴና ሂሊያ ዎዴ ሂንቴና ኤንቲ ቶቺያ ዎዴኔ፥ ኢታ ሱንꬂ ኤንቲ ሂንቴው ኢሚያ ዎዴ ሂንቴ ኣንጄቲዳይሳታ።

²³ «ሄኮ፥ ሂንቴ ዎይቶይ ሳሎን ጊታ ጊዲያ ጊሾ ሄ ዎዴ ኡፋይሳን ጉፒቴ። ኣይስ ጊኮ፥ ቤኒ ኤንታ ኣዋቲ ናቤታ ቦላ ሄሳዳ ኦꬂዶሶና።»

²⁴ «ሺን ዱሬቶ ሂንቴና ኣዬ፤ ሂንቴ ሃዒ ሎዖ ዱሳ ኤኪዴታ።

²⁵ ሃዒ ካሊዳይሳቶ ሂንቴና ኣዬ፤ ሂንቴ ኮሻታና። ሃዒ ሚጬይሳቶ ሂንቴኖሾ ሂንቴ ካዮታናኔ ዬካና።

²⁶ ኣሲ ኡባይ ሂንቴ ሎዖቴꬃ ፃላላ ኦዲያ ዎዴ ሂንቴና ኣዬ። ኤንታ ኣዋቲ ቤኒ ዎርዳንቾ ናቤታ ቦላ ሄሳዳ ኦꬂዶሶና።

²⁰ Ba tamaaretakko xeellidi hayssada yaagis: “Hinttenoo, manqoto, hintte anjjettidayssata; Xoossaa kawotethay hinttessa.

²¹ Hintte ha77i koshatteyssati anjjettidayssata, hintte kallana. Hintte ha77i yeekkeyssati anjjettidayssata hintte miicana.

²² Asay hinttena Asa Na7aa gisho ixxiya wode hinttena hiliya wode hinttena entti toochchiya wodenne, iita sunthi entti hinttew immiya wode hintte anjjettidayssata.

²³ “Hekko, hintte woytoy salon gita gidiya gisho he wode ufayssan guppite. Ays giikko, beni entta aawati nabeta bolla hessada oothidosona.”

²⁴ “Shin dureto hinttena ayye; hintte ha77i lo77o duussaa ekkideta.

²⁵ Ha77i kallidayssato hinttena ayye; hintte koshattana. Ha77i miiceyssato hinttenoshsho hintte kayottananne yeekkana.

²⁶ Asi ubbay hintte lo77otethaa xalaala odiya wode hinttena ayye. Entta aawati beni worddanchcho nabeta bolla hessada oothidosona.