ሉቃሳ 13:30-35 in Dawro

³⁰ ቤዒቴ፤ ጉዬቴዳዋንቱ፥ ሲንꬃታናዋንታ፤ ሲንꬃቴዳዋንቱ ቃይ ጉዬታናዋንታ» ያጌዳ።

³¹ ሄ ዎዴ ፓሪሳዋቱዋፔ ኢቱ ኢቱ ዬሱሳኮ ዪዴ፥ «ሄሮዲሴ ኔና ዎꬋናው ኮዪያ ዲራው፥ ሃዋፔ ባዲጋ» ያጌዲኖ።

³² ዬሱሲ ዛሪዴ፥ «ቢዴ ሄ ዎራካናሲ፥ ‹ሃቼኔ ዎንቲ ኢታ ኣያናቱዋ ኬሳና፤ ሃርጋንቻቱዋካ ፓꬃና፤ ሄዜንꬆ ጋላሲ ታ ኦሱዋ ዉርሳና› ያጊቴ።

³³ ሃኖፔ ኣቲን ናቢ ዬሩሳላሜፔ ሃራሳን ሃይቃናው ቤሴና ዲራው፥ ታኒ ሃቼ፥ ዎንቲኔ ዎንቲፔሺ ኦጊያ ቦላ ዴዓናው ቤሴ።

³⁴ «ዬሩሳላሜ ካታማ ኣሳው፥ ዬሩሳላሜ ካታማ ኣሳው፥ ናባቱዋ ዎꬊያዋንቶ፥ ሂንቴንቱኮ ኪቴቶዋንታ ሹቻን ጫዲያዋንቶ፥ ኩታታ ባሬ ማራቱዋ ባሬ ቄፊያፔ ጋርሳና ሺሻ ሃጲያዋዳን፥ ታኒ ሂንቴንቱ ናና ኢቲ ጋዲያ ሺሻናው ኣፑ ጌዴ ኮያዲታ! ሺን ታና ዲጌዲታ።

³⁵ ቤዒቴ፤ ፆሳይ ሂንቴንቱ ጎሊያ ኣይኔ ኦሊቤና፤ ታኒ ሂንቴንቶ ያጋይ፤ ሂንቴንቱ፥ ‹ጎዳ ሱንꬃን ዪያዌ ኣንጄቴዳዋ› ጋና ጋካናው፥ ታና ቤዒኪታ» ያጌዳ።

³⁰ Be7ite; guyyeteeddawanttu, sinthatanawantta; sinthateeddawanttu qay guyyetanawantta” yaageedda.

³¹ He wode Parisaawatuwaappe ittu ittu Yesuusakko yiide, “Heroodise neena wodhanaw koyyiyaa diraw, hawaappe badigga” yaageeddino.

³² Yesuusi zaariide, “Biide he worakanaassi, ‘Hachchenne wontti iita ayyaanatuwaa kessana; hargganchchatuwakka pathana; heezzentho gallassi ta oosuwaa wurssana’ yaagite.

³³ Hanoppe attin nabii Yeerusalaameppe harasaan hayqqanaw bessenna diraw, taani hachche, wonttinne wonttipeeshi ogiyaa bolla de7anaw bessee.

³⁴ “Yeerusalaame katamaa asaw, Yeerusalaame katamaa asaw, Nabatuwaa wodhiyaawanttoo, hinttenttukko kiitettowantta shuchchaan caddiyaawanttoo, kuttatta bare maratuwaa bare qefiyaappe garssanna shiishsha haphphiyaawaadan, taani hinttenttu naanaa itti gadiyaa shiishshanaw aappu gede koyyaadditaa! Shin taana diggeeddita.

³⁵ Be7ite; Xoossay hinttenttu golliyaa aynne olibeenna; taani hinttenttoo yaagay; hinttenttu, ‘Godaa sunthaan yiyaawe anjjetteeddawaa’ gaana gakkanaw, taana be7ikkita” yaageedda.