ሉቃሳ 1:54-65 in Gamo

⁵⁴ ካሴ ኑ ኣዋታስ ኣብራሃሜሲኔ ኢዛ ቆሞታስ ጊዳ ቃላ ናጋናስ ባ ማሬቴꬃ ዩሺ ቆፒዲ ባ ኣይሌ ኢስራዔሌ ማዲዴስ” ጋዱስ።

⁵⁶ ማራማካ ኤሊሳቤፂ ኣቻን ሄꬑ ኣጊና ሲሬ ጋምዓዳ ባሶ ሲማዱስ።

⁵⁷ ኤሊሳቤፂስ ዬሎ ጋላሳይ ጋኪን ኣቱማ ና ዬላዱስ።

⁵⁸ ኢዚ ጉታቲኔ ዳቦቲካ ጎዳይ ኢዚስ ጊታ ማሬቴꬃ ኦꬂዳይሳ ሲይዲ ኢዚራ ኢሲፌ ኡፋዬቲዳ።

⁵⁹ ዬሌቲዳ ኦስፑንꬃ ጋላስ ቃፃራስ ዪዳ። ኢዛ ኣዋ ሱንꬃን ዛካራሳ ጊዲ ሱንꬃና ኮይዳ።

⁶⁰ ጊዶ ኣቲን ኣያ “ሃኔና፥ ኢዛ ሱንꬂ ዮሃኒሳ ጌቴቶ” ጋዱስ።

⁶¹ ኢስቲካ ኢዚስ “ኔ ዳቦታፔ ዮሃኒሳ ጌቴቲዲ ፄይጌቲዳ ኣሲ ኦኒካ ባዋ” ጊዳ።

⁶² ኣዋይ ዛካራሲ “ናዛ ኦና ጊዲ ሱንꬃና ኮዪዳኮኔ” ማላታን ኦይቺዳ።

⁶³ ዛካራስካ ፃፊዛ ሚሼ ኢዛስ ኢማና ማላ ኦይቺ ኤኪዲ ሱንꬃይ “ዮሃኒሳ” ጊዲ ፃፊን ኣሳይ ዉሪካ ማላሌቲዴስ።

⁶⁴ ሄራካ ዛካራሳ ዱናይ ፖጌቲዲ ኢንፃርሲ ቢርሼቲን ፆሳ ጋላታ ኦይኪዴስ።

⁶⁵ ኢዛ ጉታቲ ዉሪ ዳሮ ባቢዳ። ሃይሲ ዉሪካ ꬎቃ ጌዜ ቢታን ዩሁዳ ዴሬን፥ ኡባሶን ሃሳዬቲዴስ።

⁵⁴ Kase nu aawatas Abrahaamessinne iza qommotas gida qaala naaganas ba maaretetha yuushi qoppidi ba aylle Isra7eele maaddides” gadus.

⁵⁶ Maaramakka Elisabeexi achchan heedzdzu agina sire gam7ada baso simmadus.

⁵⁷ Elisabeexis yelo gallassay gakkin attuma naa yeladus.

⁵⁸ Izi gutatinne dabbottikka Goday izis gita maaretetha ooththidayssa siydi izira issife ufayetida.

⁵⁹ Yeletida ospuntha gallas qaxxaras yida. Iza aawa sunthan Zakaraasa giidi sunthana koyda.

⁶⁰ Gido attin aaya “Hanenna, iza sunthi Yohannisa geetetto” gadus.

⁶¹ Istika izis “Ne dabbotappe Yohannisa geetettidi xeeygetida asi oonikka baawa” gida.

⁶² Aaway Zakaraassi “Naaza oona giidi sunthana koyidakkonne” malatan oychida.

⁶³ Zakaraaska xaafiza miishe izas immana mala oychi ekkidi sunthay “Yohannisa” giidi xaafin asay wurikka malalettides.

⁶⁴ Heerakka Zakaraasa duunay pogetidi inxarsi birshettin Xoossa galata oykkides.

⁶⁵ Iza gutati wuri daro babbida. Hayssi wurikka dhoqa gezze biittan Yuhuda deren, ubbason haasayettides.