ሉቃሳ 15:7-14 in Gamo

⁷ ታ ኢንቴስ ዮታይስ ‘ሄሳꬆካ ማሮቴꬅ ኮሾንታ ኡዱፉን ታማኔ ኡዱፉን ፂሎታፔ ማሬቴꬃን ጌሊዛ ኢሲ ናጋራንቻን ሳሎን ኡፋይስ ጊዳና።’

⁸ “ዎይኮ ኢሲ ታሙ ቢራ ሳንቲሜይ ዲዛ ማጫሳያ ሄ ታማፌ ኢሲኔያ ꬋይኮ ፆምፔ ኦይꬃዳ ዴማና ጋካናስ ኬꬃ ጋርስ ፒታዳ ሎዔꬃ ኮዮንታ ማጫስ ኦኔ?

⁹ ኢዛካ ዴሚዳ ዎዴ ባ ላጌታኔ ባ ጉታታ ኢሲፌ ፄይጋዳ ‘ታፔ ꬋይዳ ቢራ ሳንቲሜዮ ዴሚዳ ጊሽ ታናራ ኢሲፌ ኡፋዬቲቴ’ ጋንዱስ።

¹⁰ ታ ኢንቴስ ዮታይስ ‘ሄሳꬆካ ማሮታን ጌሊዛ ኢሲ ናጋራንቻ ኣሳን ፆሳ ኪታንቻታ ኣቻን ኡፋይስ ጊዳና።’

¹¹ “ኢሲዴስ ናምዑ ናይቲ ዴቴስ።

¹² ኢስታፌካ ካሎ ናዚ ባ ኣዋ ‘ኣቦ! ኔስ ዲዛ ሚሻፌ ታ ጊሻ ታስ ኢማ’ ጊዴስ። ኣዋይካ ባስ ዲዛ ሚሻ ባ ናይታስ ጊሺዴስ።

¹³ “ዳሮ ዎዴ ጋምዖንታ ዲሼ ካሎ ናዚ ባ ሚሻ ዉርሲ ሺሺ ኤኪዲ ሃሆ ቢታ ቢዴስ። ሄንካ ባስ ዲዛ ሚሻ ጎዓይ ባይንዳ ጮ ሜላ ꬋይሲዴስ።

¹⁴ ኢዚካ ባስ ዲዛይሳ ዉርሲ ꬋይሲዳፔ ጉዬን ሄ ቢታን ኢታ ኮሻይ ዴንዲን ዳሮ ዋዬቲዴስ።

⁷ Ta intes yootays ‘Hessathoka maaroteth koshshonta uddufun tammanne uddufun xillotappe maaretethan geliza issi nagaranchan salon ufays gidana.’

⁸ “Woykko issi tammu bira santimey diza macasaya he tammafe issineya dhaykko xompe oythada demmana gakkanaas keeththa gars pittada lo7etha koyonta macas oonee?

⁹ Izakka demmida wode ba laggetanne ba gutata issife xeeygada ‘Taappe dhayda bira santimeyo demmida gish tanara issife ufayettite’ gaandus.

¹⁰ Ta intes yootays ‘Hessathoka maarotan geliza issi nagarancha asan Xoossa kiitanchata achchan ufays gidana.’

¹¹ “Issides nam7u nayti deettes.

¹² Istafekka kaalo naazi ba aawa ‘Aabo! Nees diza miishafe ta gisha taas imma’ gides. Aawaykka baas diza miisha ba naytas gishides.

¹³ “Daro wode gam7onta dishe kaalo naazi ba miisha wursi shiishshi ekkidi haaho biitta bides. Heenka baas diza miisha go7ay baynda coo mela dhayssides.

¹⁴ Izikka baas dizayssa wursi dhayssidappe guyen he biittan iita koshay dendin daro waayettides.