28 Su duwán ágkagin, na, “‘Ukit ka Manama, manté ki, asta makalumu ki, asta inému ki.’ Duwán igsulat katô mapandé mga unawa yu, na mà dan, ‘Sikita gó tô mga gabatà ka Manama.’
29 Atin ka bánnal na sikita tô mga gabatà ka Manama, dì mému ka manámdám ki na tô bónnóng ka Manama magunawa katô ágmanaman na igimu tikud tun ta bulawan, mapputì bulawan, asta batu na igimu katô katig manubù.
30 Na, sayyan, igpabayà ka Manama tô áglumun katô mga manubù su ándà dan ikasóddór kandin, asal áknganni igsugù tô Manama na kailangan rumákkád tô langun manubù asta tayyugan dan tô madat mga áglumun dan,
31 su taganà dán igsalin ka Manama tô álló ka ruudan din tô langun manubù. Igsalin din dán tô nángngà rumuud, asta nángngà tô karuud din. Matuman ni, su iganté dán puman ka Manama sikandin.”
