2 Romu sozanↄ gbɛ̃ zↄ̃kↄ̃ ke kú gwe, à zĩkɛri vĩ à yei manamana, akũ àtɛn gyã kɛ à kà gana.
3 Kũ gbɛ̃ zↄ̃kↄ̃ↄ pì Yesu baaruu mà, à Yuda gbɛ̃ zↄ̃kↄ̃nↄ zĩ̀a ò wɛ́ kɛa à su à a zĩkɛrii pìi mì sí.
4 Kũ ò kà Yesu kĩnaa, ò wɛ́ kɛ̀a gbãngbãn ò pì: Gbɛ̃ pìi kà ǹ kpái.
5 À ye ó burii, àkũ mɛ́ à aduakɛkpɛ dↄ̀wɛrɛ.
6 Akũ Yesu gɛ̀ɛ kũńwo. Kũ à kà kãni kũ a bɛo, akũ gbɛ̃ zↄ̃kↄ̃ↄ pì a gbɛ̃nnanↄ zĩ̀ ò yã dí onɛ: Dikiri, ǹsun wari dↄ n zĩdaaro, mádi ká kũ ǹ gɛ̃ ma bɛaro.
7 A yã mɛ́ à tò ma dìtɛ kũ mádi ká mà su n kĩnaa ma zĩdaro. Ǹ yã o, ma zĩkɛri ni werekↄ̃a.
8 Zaakũ makũ se ò iko vĩmamɛ, má iko vĩ sozanↄa. Madì o ń gbɛ̃ donɛ à gɛ́, akũ àdi gɛ́. Madì o a pãndenɛ à mↄ́, akũ àdi su. Madì o ma zĩkɛriinɛ à adikũ kɛ, àdi kɛ.
