19 Hianagi Joni'a ra kva ne', Herotina haviza hu'nane huno hanavetino asmi'ne, na'ankure nefu nenaro rehanereno Herodiasina a' erinte'neazanku'ene, havi avu'avazama hiazanku anagea hunte'ne.
20 Heroti'a mago'ene ana agofetu kefozama hu'neana, Jonina kina hunte'ne.
21 Maka veamo'za mono ti fretageno, Jisasi enena mono ti freteno, nunamu nehigeno mona kafamo'a anagigeno,
22 Ruotage Avamumo'a maho namagna huno eramino avufare emanigeno, monafinkati mago agerumo'a anage huno, Mofavre nimoka tusiza hu'na Kagrikura muse hunegantoe.
23 Jisasi'ma mono eri'za ma'ama erigafa hu'neana, 30ti'a kafuzage naza huteno erigafa hu'ne. Hanki vea'mo'za zamagesa antahizana, Josefe mofavre mani'ne, hu'za zamagesa antahi'naze. Hanki Josefe nefa agi'a Eli'e.
24 Eli nefa agi'a Matati'e. Matati nefa agi'a Livae'e. Livae nefa agi'a Melki'e. Melki nefa agi'a Janai'e. Janai nefa agi'a Josefe'e.
25 Hagi Josefe nefa agi'a Matataiasi'e. Matataiasi nefa agi'a Emosi'e. Emosi nefa agi'a Nahomu'e. Nahomu nefa agi'a Esli'e. Esli nefa agi'a Nagai'e.
26 Hagi Nagai nefa agi'a Meati'e. Meati nefa agi'a Matataiasi'e. Matataiasi nefa agi'a Simei'e. Simei nefa agi'a Joseki'e. Joseki nefa agi'a Jota'e.
27 Hagi Jota nefa agi'a Joanani'e. Joanani nefa agi'a Resa'e. Resa nefa agi'a Selubabeli'e. Selubabeli nefa agi'a Sieltieli'e. Sieltieli nefa agi'a Neri'e.
28 Hagi Neri nefa agi'a Melki'e. Melki nefa agi'a Eti'e. Eti nefa agi'a Kosamu'e. Kosamu nefa agi'a Elmadamu'e. Eladamu nefa agi'a Er'e.
