6 Hagi anantega umaninakeno, Mariana mofavrema kasentesia kna egeno,
7 ese ne' mofavre kasenteno tavravenu ano vazino, bulimakamofo ne'za zuompafi antegeno mase'ne. Na'ankure miza seno mase nontamina ana mika vahe'moke hiza higeno'e.
8 Hagi ana kuma tva'onte, sipsipi kva vahe'mo'za kenage sipsipia kva hu'za megi'a mani'nageno,
9 ame huno ankeromo efore nehigeno, Ramofo msa'amo anamokizmi remsa hunezmantege'za koro hu'naze.
10 Hianagi ankeromo anage huno zmasami'ne, kore osuta antahi so'e hiho, nagra knare musenke eri'na neonkino, maka ama mopafi vahe'mo'za tusi muse hugahaze.
