40 Dopa leamoaka doko, koo pingi akali mende dokome baa pyalanya lao, “Embame kenda pipae baame nyilyamo dopaleaka nyoo pituu Gote paka nakaelepe?
41 Nalimbame koo piambano dokonya yanu nyilyambano doko kapa pelyamo. Dopaka doko, akali dakeme koo mende napiana,” lea-pyaa.
42 Dopa latala baame Jisasa lamaiyoo, “Jisasa, embame kiŋi jetala ipateno gii dokopa namba kame sala nayape!” lea-pyaa.
43 Dokopa Jisasame baa lamaiyoo, “Nambame emba kiningi langilyo! Indupaka Patandisayuu dokonya pao kalyambanona,” lea-pyaa.
