4 Ben à bàa lɛ̀ à gàa aɛ à dì síi lía lɛ à Yesu e, zaakɛ eé bↄɛ gwe kpamɛ.
5 Kɛ̀ Yesu kà gwe, ben à wɛ́ɛ sɛ̀ musu à bènɛ: Zakeusi, ǹ pita kpakpaa. Séde mà pita n bɛ gbã̀a.
6 Ben Zakeusi pìta kpakpaa à à sì kↄ̃n pↄnnaao.
7 Kɛ̀ gbɛ̃nↄↄ è lɛ, ben aↄ̃ↄe wisↄ̃ↄ kaa wà bè: À gàa pita durunkɛri bɛ.
8 Ben Zakeusi fɛ̀ɛ à zɛ̀ à bè Diinɛ: Dii, mɛ́ ma auziki kpadoo kpaatɛ takaasideenↄnɛ. Tó ma gbɛ̃ke takii kɛ̀ sↄ̃, mɛ́ ɛara mà à gɛ̃ɛ kpáa lɛo siigↄ̃mɛ.
9 Ben Yesu bènɛ: Ua kɛ̀ deenↄ mìsina è gbã̀a. Zaakɛ gbɛ̃ kɛ̀kii se nɛ́ Ibraĩ boriimɛ.
10 Gbɛ̃ntee Nɛ́ mↄ̀ lɛ à gbɛ̃ kɛ̀ sã̀sã wɛtɛ à à mì símɛ.
