30 à pìńnɛ: À gɛ́ lakutu kũ à kátɛ á arɛ direkũ gũn. Tó a gɛ̃, áni zaakinɛ bↄ̀rↄ e bàdↄna gwe, gbɛ̃ke dí dia zikiro. À poro à suo.
31 Tó ò á lá ò pì, à kɛ̀ deran átɛn poroo, à pi Dikiri mɛ́ à yei.
32 Akũ zĩ̀rinↄ gɛ̀ɛ, ò è lákũ à òńnɛ nà.
33 Kũ òtɛn zaaki pì poro, akũ a dikirinↄ ń lá ò pì: Dí mɛ́ à pì à zaaki pìi poroo?
34 Ò wèḿma ò pì: Dikiri mɛ́ à yei.
35 Akũ ò sù kũ zaaki pìio Yesunɛ, ò ń utanↄ kpàtɛa, akũ ò Yesu dìa.
36 Lákũ àtɛn gɛ́ nà, gbɛ̃nↄ tɛni ń utanↄ kpátɛ zɛ́n.
37 Kũ à kà kãni kũ gu kũ zɛ́ pìi mìi pɛ̀tɛ Kùkpɛ sĩ̀sĩ guvutɛnwo, akũ pↄnna gũn a ìba kũ ò tɛ́inↄ pínki nà Luda sáabukpanaaa kũ kòto gbãnao daboyã kũ ò ènↄ musu pínki
38 ò pì: Arubarikaden kína kũ àtɛn su kũ Dikiri tↄ́o ũ. Aafia kú ludambɛ! Ò Luda tↄ́ kpá zaa musu!
39 Farisi kũ ò kú zàa gũn kenↄ pìnɛ: Dannɛri, ǹ pata n ìbanↄa.
40 Akũ à wèḿma à pì: Matɛn oárɛ, tó ò yĩ̀tɛ, gbɛ̀nↄ mɛ́ oni wiki pì lɛ́.
41 Kũ à nà Yurusalɛmui, à gwà, akũ à ↄ́ↄ dↄ̀ a musu
