37 Kũ Dikiri yã ò à làka, akũ Farisi ke a sìsi à mↄ́ à pↄ́ ble kãao, akũ à gɛ̃̀ à vùtɛ.
38 Kũ Farisi pìi è adi ↄ da ín gbasa ò pↄ́ blero, à bò a sarɛ.
39 Akũ Dikiri pìnɛ: Ákↄ̃nↄ Farisinↄ adì gbãsĩ bo tokonↄ kpɛ kũ tanↄ, ama wãkũ kũ yãvãnikɛnaao mɛ́ à á nɛ̀sɛɛ pà.
40 Yↄ̃nkↄnↄ! Luda kũ à pↄ́ kpɛ kɛ̀ mɛ́ à a gũn kɛ̀ seroo?
41 À pↄ́ kũ à kú á tanↄ gũn dã wɛ̃ndadenↄnɛ, á ta pìnↄ ni gↄ̃árɛ gbãsĩ sari.
42 Waiyoo ákↄ̃nↄ Farisinↄ! Adì tofenↄ tↄkↄtɛdo kũ kpè'akão kũ dò pↄ́nↄ pínki kuride kpá Ludaa, akũ adì pã kpá yãzɛdei kũ yena Ludaiio. Yã birenↄ mɛ́ à de àgↄ̃ kũna pãkpana a kparanↄi sari.
43 Waiyoo ákↄ̃nↄ Farisinↄ! Adìgↄ̃ ye à vutɛ aduakɛkpɛ vutɛki mananↄn, adìgↄ̃ ye ògↄ̃ fↄ kpákpaáwa ɛtɛnↄn.
44 Waiyoo ákↄ̃nↄ! Á de lán mira kũ òdigↄ̃ táa oa a yãdↄ̃naa sari bàmɛ.
45 Akũ dokadↄ̃ri ke pìnɛ: Dannɛri, tó n ò lɛ, ntɛni ó sↄ̃sↄ̃mɛ se.
46 Yesu pì: Waiyoo ákↄ̃nↄ dokadↄ̃rinↄ sↄ̃! Adì gbɛ̃nↄ da asosɛna zĩ'ũn, akũ adì ↄ daḿma kũ a sɛnaaoro, bee ↄnɛɛ. Waiyoo ákↄ̃nↄ!
47 Adì pↄ́ bo annabi kũ á dizinↄ ń dɛdɛnↄ miranↄa ń yã dↄngu yãi.
48 Lɛmɛ a sì kũ a zɛ kũ á dizinↄ yãkɛnanↄomɛ. Ò annabinↄ dɛ̀dɛ, akũ adì pↄ́ bo ń miranↄa.
49 Abire yãi Luda wɛ́zɛ̃ gũn à pì, áni annabinↄ kũ zĩ̀rinↄ zĩáwa. Áni ń gbɛ̃kenↄ dɛdɛ, áni wɛ́ tã ń gbɛ̃kenↄa.
50 Lɛmɛ annabi kũ ò ń dɛdɛ zaa andunia naanagↄrↄ ari gbãranↄ yã ni wí teradenↄ musu lɛ,
51 sɛna zaa Habila dɛna ari à gɛ̀ɛ pɛ́ Zakari kũ ò a dɛ̀ sa'oki kũ Luda kpɛ́o daguraa. Ee, matɛn oárɛ, yã birenↄ pínki ni wí teradenↄ musumɛ.
52 Waiyoo ákↄ̃nↄ dokadↄ̃rinↄ! A dↄ̃naa gbà mↄ̀nɛ wòto. Ádi gɛ̃ a gũnlo, akũ a kpa gbɛ̃ kũ ò ye ò gɛ̃ a gũnnↄnɛ.
