19 Wayahina Iesu vi‑tanaiei, ivona, “Avi dewaia?” Ka taui ivona, “Dewaia ivinꞌ‑omo Iesu me Nasareta wayahina. Tauna tau apa‑taputapu aitam, ka Yaubada matana kadue tomotau habuhabui mataia ya vonaia kadu ya dewaia bagibagina.
20 Ka yaka tau vi‑nomu mata‑genai, ka aka tau veimea onoto‑nana iam‑veneneyei me Rom ai tau veimea Ierusalem wayahina, ka tauna yanꞌ aniga ai nahenahea veimeyei. Wayahina itutu‑pwatei.
21 Ka itoai anua‑vaniaha vivane tauna yaka Tau Ito‑yavuha‑nana, kadu anuanua apaina tauna me Isiraeli habuhabuka na‑ito‑yavuhika. Ka dewaia ivinꞌ‑omo, ka auyewa aitonu avaha iakwa.
22 Ka ataina mata‑hamwahamwanina tupwai vaivine yama yoko wayahina iomo unuvovoa, e imavina, ka itoai nuai vi‑tupatupa yai mataeda wayahiaia wayahina. Iuna ivoneai Iesu tau matena avaha maiova, kadu ivoneai anelose idueyei yai dune nihenina, ka anelose‑naia ivonei Iesu vivane yawayawaina.
