26 Kote mabubulu pa tinarazuzu sari na tiena sa pepeso, totoso korapa aqa dogoria rini sapu gua kote ta evaṉa pa doduruna sa kasia popoa, ura sari na pinopino pa maṉauru si kote tava rizu pa dia siraṉa.
27 Pa totoso asa kote dogoria rini maena sa Tuna na Tie pa korapadi ri na lei, somania na ṉiniraṉira lavata, na ṉinedala.
28 Pana podalae ta evaṉa saripu gua hire, si mi gasa turu mamu doṉo sage, sina tata vura mae sa mia tinarupaha,” gua se Zisu.
29 Beto asa si tozia Zisu koarini sa parabolo hie: “Mi doṉo la koasa huda piqi, meke sari kaiqa huda pule.
