24 Eke, hit hininggis werek yi andi, henendawi ugun wadokdek sek welagupikmu, anggin henovaga arugup!
25 Hit yogak henagaum agipik yi, hivis uvup arugup! Hit yogak enda yasagwi yi, hivis henendawi burup agya dugwit, yup yagu dogogup!
26 It avakwa yi, enombawi en ap Ala inis vaga huluk wene yugurugu-sigik ovara, siyabugu lagagwa ako ndatak, it ap ovok en hininis siyabugugu-selok anggin henovaga arugup!” yiluk, yugeragagi.
27 Yugirigya lagagirik Yesus en ambi yugirigya dugwit, “Hit an nane henaruk holek agipik yi, wene ambi yukherayogon. It hinim ogorek agipik andi, henendawi hunik okbugwis, enanggon henombasagwi ako sek okbugwis,
28 it homan okbugugwis ako, Ala en adenggen okbisapwak yiluk, yugugwis, it weyak okbigelagwi ako, enake samban ogagwi, ogagu dogones.
29 Eke, henelagandin venak vaga henatwis-selok, venak enakbatugwi, henasum sogwes yum wugu-selok, henasum bayu yirik idi yubuk. Ata, inim wogorugwi,
