24 “Ammi ikamuy nga maba-nang a kakallak kam sangaw, te am maafut na sangaw ya kaba-nang muy a awan sangaw ta talak muy.
25 “A ikamuy nga magbattug ta ayanin a kakallak kam sangaw, te mabisin kam. “A ikamuy nga magayayat ta ayanin a magtangit kam sangaw ta damdam muy.
26 “A kakallak kam hapa sangaw am mappya la ya bibidan na ngamin tolay gafu tekamuy, te negitta kanan hala ta matulad kiden aglavun nga dinayawan na tolay kiden ta idi. “A mehulun kam sangaw tekid ta pama-gang na Namaratu.
27 “A am madangag muy ya uhohugan ku tekamuy a iddukan muy ya mangikatupag tekamuy, a uffunan muy kid.
28 A am igaged da kam a bendisyonan muy kid, a pakimallak muy ya manguyoyung tekamuy.
29 A am linappongan na ya pahingil muy a itayan muy hala tentu ya taakub. A am gubatan na ya barawasi muy a idagga muy hapa ya kamasita muy.
