6 Lakea a hanitu i takia e Isu, i ta maea, “Bara habi lobo vomu a maka tanga nga turana bagetua ne ria, a vuhuna a maka tanga nga ni habi lobo nau, lakea iau bara habi na viri a ngarua.
7 Ioe bara o vasileki nau, bara habi vomu a maka tanga nga.”
8 Pali e Isu i koli, i ta maea, “A ngava ni here puru na Hinere i maea, ‘O kavurikea e Bakovi Dagi, a Vure vomu, o ramai kunana ia.’”
9 Muri a hanitu i tuli tabua e Isu, i vakapesi langea na mapana roho na Vure o Ierusalem, i takia, “Ge ioe a Tuna Vure, o to raga koea,
10 a vuhuna a ngava ni here puru na Hinere i maea, ‘A Vure bara i rudu e huriki a agelo vona, ri valai ri matakari ioe, ri tagari ioe.
11 Ri gi bole rike ioe na limane ria, ma ge padi a vahamu a kedo.’”
12 Pali e Isu i koli, i ta maea, “A ngava ni here puru na Hinere i maea, ‘Naha ni tonia e Bakovi Dagi, a Vure vomu.’”
13 Na tahuna a hanitu i toni loboa e Isu na nitoni legelege lae, muri i vano, ge dava, ge toni tabua muri ma.
14 Muri e Isu i hamule lakea o Galili turana nitora na Hanu Kiripiripi. I rere lae a velengana.
15 I vara ria pololilo na maka roho na vaponga, lakea e huriki ri longoa, ri kavurikea.
16 Muri i lakea o Nasaret, na tanga i koru rike vona. Na Parava Nimalo, i lakea na roho na vaponga, i manga a naro i rata vakaroro. I pesi rike i gi.
17 Lakea ni habi vona a puhu na hinere ne Isaia a propet. I vevea, i puruvisia a tabekena tara, i gia, i ta maea,
