6 Toꞌo nebaa, Maria loron nahoris moos toꞌo mai.
7 Iha Betlehem nia, noo uma bodik ema hein heik, mais sia la netan fatik iha nia. Tan baa nia, sia tama baa natar ida laran. Iha nia Maria nahoris oa ulun, oa mane ida. Maria nafuꞌut Nia nodi tais, hotu natoba baa bibi no karau haan fatik.
8 Baa kalan nia, makbalin naꞌin hira daka bibi malae iha kota luan.
9 Teki-tekis, sia naree Maromak Niakaan makbukar laleꞌan ida. Hotu, Naꞌi Maromak kroman naksinak baa sia, toꞌo sia nataꞌuk liu.
10 Mais makbukar nia katak naꞌak: “Keta hataꞌuk! Rona mai! Haꞌu kmai katak lia diꞌak baa emi. Ema hotu-hotu mak rona lia neꞌe, nanis neon diꞌak.
