Lukas 24:14-20 in Mutu

¹⁴ Yesuru tilaghlaagh, ve tiwasavon di pa mbeb naol to tivot.

¹⁵ Tisavsaav, ve mala maau, Yesu tau ivot todi, ve yesŋa tilup di pa laghooŋ ve tila.

¹⁶ Eemoghon mbeb eta ipoon matadi, tauto tighilaala maau.

¹⁷ Yesu ighason di ighaze: “Ou, yamru alaghlaagh, ve awasavon gham pa sa?” Ye isaav tovene ve yesuru tiyoon. Naghodi iza maau. Titud moghon. Pasa, lolodi isami kat.

¹⁸ Ghoro todi eez, iza Kleopas, ipamuul Yesu aliŋa ighaze: “Wai, mbeb to noor moghon ivot, tamtoghon tisob to tineep izi Yerusalem we tiwatagi. Yom avaat loom eta, tauto ukankaan ne?”

¹⁹ Tovenen ye ighason di muul ighaze: “Sa mbeb?” Yesuru tipamuul aliŋa tighaze: “Yei nisavsaav pa ŋgar to tigham pa Yesu to Nasaret. Ival tiina tighita tighaze ye propet tiina eez ila Maaron mata. Pasa, saveeŋ toni ve uraat toni, toman tapiri.

²⁰ Tovenen nighaze pa ye Volaaŋa to pale igham mulin iit Israela pa pataŋani toit. Eemoghon maau. Yes daba to watooŋrau toman pooza toit tighuri ila yes Roma nimadi leso tirabi imaat. Tauto Roma tirabi izala ai pambarooŋ ve imaat. Mbeb tonene ivot pani mboŋ tol ila wa.

¹⁴ Yesuru tilaghlaagh, ve tivasavo zi pa gabua naol tau ivot na.

¹⁵ Tisavsaav, ve malau mako na, Yesu tauu ivot toozi, ve yesŋa tilup zi pa laghooŋ gha tila.

¹⁶ Eemon gabua eta ipoon matazi, tauta tighilaalo mako.

¹⁷ Yesu ighason zi ighe: “Ou, yamru alaghlaagh, ve avasavo gham pa saa?” I isaav tauvene, ve yesuru tiyooz. Matazi izaa mako. Titud mon. Pasaa, lolozi ipataŋan kat.

¹⁸ Ra ee, eeza Kleopas, iyol Yesu aliiŋa ighe: “Wai, gabua tau noor mon ivot na, tamtamon tisov tau tileep Yerusalem we tiwataghi le isov. Yo aat loom eta, tauta ukankaan ne?”

¹⁹ Tauvene i ighason zi muul ighe: “Saa gabua?” Yesuru tiyol aliiŋa tighe: “Yei nisavsaav pa ŋgar tau tigham pa Yesu to Nasaret na. Eval tiina tighita tighe i propet tiina ee ila Maaron maata. Pa saveeŋ ve uraat tooni, ene toman tapiri.

²⁰ Tauvene nighe pa i aat Uleeŋa tau pale igham mulin iit Israela pa pataŋani toit. Eemon mako. Yes daaba to watooŋrau tomania pooza toit tighuru ila Roma nimazi leso tiravu imaat. Tauta tiravu izala ai pambarooŋ gha imaat. Gabua tane ivot pani mboŋ tol ila wa.