Lukas 24:13-19

¹³Baa loron nia moos, noo ema naꞌin rua baa leo ida, naran Emaus. Leo nia dook nosi kota Yerusalem kreꞌis kilo sanulu resin ida. Uluk, sia rua moos tuir Yesus,

¹⁴etuk sia laꞌo nodi dale lia Yesus mamaten.

¹⁵Teki-tekis, Yesus nareꞌis aan baa sia, hotu laꞌo no sia.

¹⁶Mais sia la natene Nia, tan Naꞌi Maromak nalo sia keta natene.

¹⁷Hotu Yesus nusu baa sia naꞌak, “Emi hoꞌi dale saa?” Rona nola nunia, sia oin tuun kedas, hotu sia nariik.

¹⁸Ida mak naran Kleopas, nusu Yesus naꞌak, “Ama neꞌe, ema foun ka? Ama la natene lia mak foin dadi iha Yerusalem neꞌe ka?”

¹⁹Yesus moos nusu naꞌak, “Lia saa nia?” Sia nataa naꞌak, “Lia Yesus nosi Nasaret! Nia tebe-tebes Maromak makoꞌan. Naꞌi Maromak latan beran baa Nia nebee naseꞌi tadak blaar oi-oik. Nia moos matenek nanorin ema. Ema hotu-hotu beer Nia. Naꞌi Maromak moos beer Nia.