1 Iwe, Jesus a üreni nöün kewe chon kaiö, “Sosot epwe fokun tori aramas pwe repwe tolong lon tipis, nge feiengauen ätewe mi afisätä ekewe sosot.
2 Epwe fen öch ngeni ewe aramas pwe epwe riritä fän üan eföü fau mi föümong o epwe koturutiu le matau, lap seni an epwe afisätä sosot ngeni eman me lein ekewe kükün pwe epwe tipis.
3 Iei mine oupwe tümwünüöchü mine oupwe föri! Are pwiüm a tipis, kopwe apwüngü, nge are a ekieksefäl, kopwe amusala.
4 Are a tipis ngonuk fän fisu lon eu rän, nge iteiten fansoun a feito reöm o ürenuk, ‘Üa ekieksefäl,’ kopwe fokun amusala an tipis.”
5 Iwe, ekewe chon künö ra üreni ewe Samol, “Kopwe alisikem pwe äm lükü en epwe wattela.”
