Luka 4:9-32 in Gourmanchéma

⁹ Sutaani den gedini o Jelusalema, ki sieni o U Tienu diegu yuli po. O den yedi o: “A ya tie U Tienu Bijua ŋan yugi ki ci tiipo, kelima li diani:

¹⁰ O baa puogi o malekinba ke ban guudi a.

¹¹ Bi baa tiebi a leni bi nii ke a taali n da tuudi tanli.”

¹² Jesu den goa ki yedi o: “Li go yedi: Da biigi a Diedo a Tienu.”

¹³ Sutaani n den tulini o laa tulinma kuli ki gbeni, o den foagidi o kani ŋali yogunuba.

¹⁴ Jesu den guani Galile leni mi Fuoma paaciamu. O yeli den ñani laa diema nni kuli.

¹⁵ O den bangi li balimaama bangima diena nni ke bi niba kuli pagi o.

¹⁶ Jesu den gedi Nasaleti wan den fandi naani. U Tienu fuodima daali o den kua li balimaama bangima dieli nni, nani wan den maani ki tiendi maama. O den fii ki baa cogi U Tienu maama,

¹⁷ ke bi teni o o sawalipualo Esayi yaa tili, wan den gbabidi li, o den laa lan diani naankani ya maama n tie na:

¹⁸ O Diedo Fuoma ye n niinni kelima o gandi nni ke min ya wangi a luoda o laabaaliŋamo. O soani nni ke min kpaani i yonbi faabima. Ke min pa a juama mi nunnualima. O soani nni ke min ya faabidi ban miabi yaaba,

¹⁹ Ki kpaani ke o Diedo ŋanbili binli cua.

²⁰ Jesu n den cogi laa maama, o den goa ki gbabi li tili ki teni li o jiidikoa, ki goa ki kali. Yaaba n den ye li balimaama dieli nni kuli den diidi o.

²¹ O den yedi ba: “Yin gbadi i Diani maama yaama ne tieni dinla.”

²² Bikuli den tiendi opo seedi ki pagi o leni wan maadi ya maŋanma, ki nua o leni li pakili. Bi den tua: “Laa tie Josefi bijua kaa?”

²³ Jesu den yedi ba: “Laa pia kuli tama ke yi baa pua nni ya kpanjama n tie na: 'Fini lotoli, paagi a yuli,' ki go yedi: 'Ti gbadi ŋan tieni yaala Kapenayuma po kuli, ŋan tieni la nakanba mo a dandogu nni.'”

²⁴ O den pugini ki yedi: “N waani yi i moamoani, bi kan ga sawalipualoba kuli bonŋanla o dandogu nni.

²⁵ N go waani yi i moamoani ke Elia yogunu, tanpoli n den luoni ke ki taaga ki mi ŋali binata leni ŋmaali luoba ke mi koncianma den ye mi diema nni kuli, a kpepuona den ye Isalele diema nni boncianla.

²⁶ Ama baa yeni U Tienu ki den soani Elia bi niinni oba kuli kani kali Sidoni diema dogu Salepita ya kpepuoli kani.

²⁷ A gbaada boncianla den ye Isalele diema nni o sawalipualo Elise yogunu. Baa yeni, bi niinni oba ki den paagi kali Naama Sili diema ya joa.”

²⁸ Yaaba n den ye li balimaama bangima dieli nni n den gbadi laa maama bi pala den beni boncianla.

²⁹ Bi den fii ki deli ki ñani o u dogu nni, ki gedini o bi dogu n ye ya juali yuli po, ki baa lu o li yidima kani.

³⁰ Ama Jesu den tagini ki cuoni bi siiga nni ki ñani ki ban caa.

³¹ Jesu den gedi Galile dogu Kapenayuma. Mi fuodima daali o den bangi bi niba.

³² O bangima den paki ba kelima o den maadi leni li bali.

⁹ gedi yen'o hal Jerusalemi k duon'o u jaanddiegu tanpolu k maad'o: a ya tie u Tienu bijua yugi k ŋa a ba m fanfanma nni k dugn i l diani:

¹⁰ k u bu cabi meleki nba ban yaa guu ŋa.

¹¹ l guan. b bu ŋa yeni b nugi k tanli kan gbebi ba tanyeli.

¹² K Jesus ŋmia i: l gɔ diani. A kan niini k bigni o yonmdaano u Tienu.

¹³ Ya yognu k sitaan den gbeni o bignma kuli k u sani k fagdi k ban bo bil ya yognu pudi.

¹⁴ Jesus bo ye yeni fuoŋanba paalui k lebdi Galile ko yeli doni diema kuli nni.

¹⁵ K tundi u tienu ñɔmaama a jaandiena nni k b niba dond'o.

¹⁶ K gedi nasareti dogu nni ban bo ŋub 'o naani k kua l jaandieli saba daali. nani wan bo tug g tie maama. k fii k bo cogi tienu ñɔmaama tili.

¹⁷ K bi waan'o u tienu tondo isai tili wan pɔbidi l tili ko la naan kani k b diani k:

¹⁸ M yomdano fomnŋanb ye n po kelima u lugdn ki sɔgni kpaŋanba k bo muadi o ñɔmaama i cacagi danba k gɔ paagi yaaba pala biidi k yaaba tie juanma n nuali, k fie b cacagdama.

¹⁹ k gɔ muadi u tienu ŋanba binl

²⁰ K u pɔbini l tili k teni o naacenba k gedi kali. U jaanddiieogu nni k a nubina kuli fid o po.

²¹ Dinne mɔno u bu cili yinm yaa song'o yeni kani u tienu tondo ñɔmaama tie mɔni.

²² yaab den song'o kul lden cuo'b u yaalidigu. K b tɔb maadi ki waa tie Josefi bijua kaa?

²³ k jesus maadi bi: n bani ki bo puan i m makpanjama dogda dogd a ba ama e bia bomaadi maad'ti ŋan tienii yaala kaperinahumin dogu nni. ŋan gɔ tieni n yeni a dogun i k ti diidi.

²⁴ K jesus pugn ama e mɔni baa bani k pagi u tienu tuonsɔnlo u dogu nni.

²⁵ E mɔni ke maadi yi a pakuana den yabi boncianli Isaraheli dogu nni Eli yogu. lan ya yogu i ke taagi bo ba binataa yen bɔgidima. k m koncianma ba u dogu kuli nni.

²⁶ ama den sɔno'a ba pakua yedi kani k cedi b den t sɔn'o yendi kani k u den ye Sarepta Sidon dogun nni. a i.

²⁷ A gbaada den ye ki yabi Isaraheli dogu nni u tienu tuonsɔnlo Eli yogu. Ama ki baa bo paagi baa yedi. B bo paagi Sirija i ku yeli tie Naamani

²⁸ I yaabi den songi Jesus k ye l jaandieli n k kuli pala den biidi

²⁹ b nubi kuli den fii k tudu Jesus k ñan'o hali l juali po l jaandieli n maa naan yeni k bi tud'o k lu'o tinga nni

³⁰ Jesus n den ñan b siiga nni k paani k caa Jesus den tieni i tundi yeni u tebigu Kafarnahumi.

³¹ Den gedi Kaperinahomi galile dogu nni ki tieni i tundi ba u tiemu ñɔmaama po saba daali.

³² Yaaba den songi pala den mangi boncianli kelima u den yeni yikodi.