44 Na tenepo Jezu adawauza kuti: “Ndibzimwebzi bzomwe ndikhadakuuzani kale kuti: 'Bzidzatewezeke bzentse Bzakunembedwa kwa ine m'bukhu la ntemo wa Mozeji na Apolofeta na m'Masalimu.'”
45 Ndipo iye adawafungula misolo kuti abvesese Bzakunembedwabzo.
46 Na tenepo adawauza pomwe kuti: “Bzidanembedwa kuti Krixtu an'dzabonera. Ndipo acidzamuka pakufa ntsiku yacitatu yace.
47 Natenepo madziko yentse kuyambira kuJeruzalema, kudzapalizidwe kukhumbula na kulekereredwa bzakuipa bzayene mudzina lace.
48 Ndipo imwepo ndimwe m'boni wa bzimwebzi.
49 Na tenepo ndinidzakutumizani mpiciro wa Babangu. Khalani basi mumzinda muno mpaka mudzatambire mphambvu za kudzulu.
50 Ndipo iye adayenda nawo kuBetanya. Na tenepo iye adasamula manja aciwasimba.
