43 Iŋuc muhame sambâŋkonec aŋelo moczi waharâ basanaŋkewec.
44 Eme maŋzi ʒâic hâhâwicne ecneha fotariehuc numuwec. Ehame fofoŋac‐ticne soc ʒâmbâŋ iŋucne tâcnehuc mâreŋko wahawec.
45 Numuku faharerâ motecfâcne jaŋerao rarâ honec‐jopawec: Jaŋe busâqoczi bâdoc‐jopame betaŋkerâ guŋ fombiŋ.
46 Fohapie jazarâ muwec: “Ŋoŋe wemocte guŋ foŋgopieŋ? Eesâicko dockenʒipiŋte faharerâ numuniŋ me!”
47 Iŋuc muhuc domahame mi râsi guru ututuŋ fisinʒepieŋ i! Eme motec jaŋere âgo moc ʒâŋene Juda, eki micne bajarehuc Jesurao rarâ muduckewec.
48 Muduckeme Jesuzi ʒiŋuc âzâcnewec: “Juda, go wemocte Ŋic Fâri Wâtuŋne e muduckehuc doc bakomec?”
49 Eme Jesure kikefuŋfâc jaŋe wiac fuazo eme honerâ mumbiŋ, “Wofuŋ, ʒikazi jopanaŋ me?”
