25 “Eme ʒâhecko ʒoaŋ mosa bâpiŋko wiac ʒâŋe furu fuazokac, â mâreŋko hâwec sirizi â temboŋzi fânâŋ sâko eme hazec guru‐ŋeŋic fuazokac.
26 Erâ wâc sambâŋ qiriŋ qame tâpirine ŋeŋgoroŋkezokac. Eme ŋic jaŋe wiac fua taraocte woŋec juhuc hobu‐jeŋic taŋtaŋ âeckehame nokafe tataeŋ erâ domanʒoŋgopieŋ.
27 Ehame Ŋic Fâri Wâtuŋnezi karorac faio domahuc ɋuŋɋasaŋ bâric bâric‐ticnehec fisime hone ʒâirenʒoŋgopieŋ.
28 Wiac iŋucne hâcne fuame honerâ qâhâŋnerâ fie ruruckehuc ʒiŋuc munʒepieŋ: ‘Roroc‐nâpo dameŋ maickekac hâcne.’”
