Text copied!
BREAK EVERY YOKE
Bibles in Vlax Romani

Luka 1:3-77 in Vlax Romani

Help us?

Luka 1:3-77 in Arli Luka

3 Ađahar hem me, palo so oto anglunipe šukar ispitujinđum sa adava, mangljum tuće sa palo redo te pisinav.
4 Ćerđum adava te šaj ove uverime dai čače sa adava so sikliljan e Mesijasere dživdipastar.
5 Ked o Irod inele caro ani Judeja, nesavo manuš palo anav Zaharija inele svešteniko e izraelconengoro. Ov inele svešteniko oto redo e Avijasoro. E Zaharijasiri romni da inele oto pleme e Aronesoro. Lakoro anav inele Jelisaveta.
6 O Zaharija hem i Jelisaveta inele pravedna anglo Devel adalese so živinde palo sa o naredbe hem o zakonja e Gospodesere.
7 Na inolen čhave adalese so i Jelisaveta našti ine te ačhol khamni, a soduj džene već purandile.
8 Jekh dive ked e Zaharijasiri grupa oto sveštenici kandlja ano Hram, tegani hem o Zaharija ćerela ine pli buti sar svešteniko anglo Devel.
9 Palo pumaro adeti, o sveštenici frdinde o barbuti te dikhen ko te đerdini ko Svetište e Gospodesoro. I ađahar pelo upro Zaharija te đerdini ano Hram e Gospodesoro te kadini.
10 Đikote o Zaharija kadinđa ano Hram, pherdo narodo ine molini pe avrijal.
11 A ano Hram e Zaharijase mothovđa pe o anđeo e Gospodesoro. Terdino ki desno strana oto oltari kotar kadinđa pe.
12 Ked dikhlja le o Zaharija, darandilo but.
13 A o anđeo phenđa lese: “Ma dara, Zaharija! O Devel šunđa ti molitva. Ti romni i Jelisaveta ka bijani će čhave, i ka de le anav Jovan.
14 Ka ove but radosno zbog leste hem but džene ka radujinen pe so ov ka bijanđol.
15 Ka ovel baro manuš anglo Gospod. Niked na ka pijel mol hem ništa sostar šaj te mačol pe. Ka ovel pherdo e Svetone Duhoja pana pe dajaće ano vođi.
16 Bute Izraelconen ka irini anglo Gospod, anglo lengoro Devel.
17 Ka džal anglo Gospod sar glasniko ano duho hem ano zoralipe savo inele e purane proroko e Ilija. Ka mirini e daden lengere čhavencar hem ka ćerel da okola kola na šunena e Devle te oven mudra sar o manuša kola ćerena okova so o Devel phenela dai šukar. Sa akava ka ćerel sar te pripremini e narodo te šaj oven spremna zako e Gospodesoro aviba.”
18 I o Zaharija pučlja e anđele: “Sar me te džanav da čače ka ovel adava so phenđan? Me injum purano hem mli romni da beršali.”
19 A o anđeo phenđa lese: “Me injum o Gavrilo, o anđeo kova terđola anglo Devel te kandel le. O Devel bičhalđa man te vaćerav tuja hem te anav će akava šukar lafi.
20 I ače, ka ove laloro, na ka šaj te vaćere sa đi o dive ked adava ka ovel. Ađahar ka ovel adalese so na verujinđan mle lafonenđe save ka pherđon ko pravo vreme.”
21 Sar o anđeo vaćeri ine e Zaharijaja, o manuša adžićerde e Zaharija te ikljol pučindoj pumen so edobor ačhilo ko sveto than e hramesoro.
22 A ked o Zaharija iklilo, našti ine te vaćeri olencar. O Zaharija ćerela ine nesar te mothoj lenđe vastencar hem ačhilo laloro. O manuša xalile da o Devel mothovđa lese nešto ko sveto than e hramesoro.
23 Ked pherdile o dive oto lesoro kandiba ano Hram, o Zaharija dželo čhere.
24 Na nakhino but, i lesiri romni i Jelisaveta ačhili khamni. Pandž masek na iklili avri taro čher. Phenđa:
25 “O Gospod ćerđa te šaj ačhovav khamni. Akana mothovđa maje pli milost hem cidinđa mli lađ anglo manuša.”
26 Ked i Jelisaveta inele šofto masek khamni, o Devel bičhalđa ple anđele e Gavrilo ki tikori diz e galilejakiri palo anav Nazaret.
27 Adari valjanđa te legari o lafi e devicaće palo anav Marija. Oj inele verime e muršese palo anav Josif, kova inele oto pleme e carosoro e Davidesoro.
28 Ked alo o anđeo, phenđa e Marijaće: “Radujin tut! O Gospodi but milostivno premala tute!”
29 A i Marija but uznemirinđa pe taro e anđeosere lafija, i pučlja pe so šaj te ovel adava pozdrav.
30 A o anđeo phenđa laće: “Ma dara, Marije! O Devel mothovđa će plo šukaripe!
31 Ače, ka ačhove khamni hem ka bijane čhave, i ka de le anav Isus.
32 Ov ka ovel baro hem ka vičini pe Čhavo e Najbare Devlesoro. O Devel o Gospod ka del le autoritet te vladini sar caro, sar so vladinđa lesoro pradad o David.
33 Ka carujini upro pleme e Jakovesoro zauvek; zako lesoro carujiba na ka ovel kraj.
34 Tegani i Marija pučlja e anđeo: “Sar šaj te ovel adava ked me pana injum čhaj?”
35 A o anđeo phenđa laće: “O Sveto Duho ka huljel upra tute hem o zoralipe e Najbare Devlesoro ka učhari tut. Adalese adava čhavo, kole ka bijane, ka ovel sveto hem ka vičini pe Čhavo e Devlesoro.
36 Eče, ti bibi i Jelisaveta da, ko purane berša, ačhili khamni hem ka bijani murše. I oj, kolaće sare džande da našti te ačhol khamni, akanai šov masek khamni.
37 Jer o Devel sa šaj te ćerel!”
38 Tegani i Marija phenđa: “Ače, sluškinja e Gospodesiri injum. Nek ovel maje palo klo lafi.” I o anđeo dželo olatar.
39 Adala dive i Marija spreminđa pe hem siđarđa ko bregalo krajo e judejakoro.
40 Ked resli adari, đerdinđa ko čher e Zaharijasoro hem pozdravinđa e Jelisaveta.
41 I ked i Jelisaveta šunđa e Marijakoro pozdrav, o čhavoro oti radost zorale mrdinđa olaće ano vođi, a oj pherdili e Svetone Duhoja.
42 I bare glasoja phenđa e Marijaće: “Najblagoslovime injan maškaro đuvlja hem blagoslovime o čhavoro kole akhareja ano vođi!
43 Akavai bari čast maje so tu, mle Gospodesiri daj, aljan kora mande.
44 Adalese so ked šunđum to pozdrav, o čhavoro oti radost zorale mrdinđa maje ano vođi.
45 Blago tuće so verujinđan da ka ovel adava so phenđa će o Gospod!”
46 Tegani i Marija phenđa: “Barjari mlo vilo e Gospode;
47 Radosnoi mlo duho ano Devel, ano mlo Spasitelj
48 so ulo milostivno upri pli na edobor bari sluškinja. I ače, od akana sa o generacije ka phenen da injum blagoslovime đuvli
49 adalese so but šukaripe ćerđa maje o Zoralo Devel kasoro anavi sveto!
50 Ovi milostivno e manušenđe oto sa generacije kola darana olestar.
51 Ple zorale vasteja ćerđa bare stvarija; frdinđa pestar e manušen kolai barikane ano pumare vile.
52 Peravđa e vladaren taro lengoro tron a vazdinđa e poniznonen.
53 Čaljarđa e bokhalen šukaripnaja a čučen muklja e barvalen.
54 Pomožinđa e Izraelconenđe, ple slugenđe. Na bisterđa te ovel milostivno
55 e Avraamese hem lesere potomkose sar so dinđa plo lafi amare pradadenđe.”
56 I Marija ačhili e Jelisavetaja đi ko trin masek, i tegani irinđa pe čhere.
57 A e Jelisavetaće alo o dive te bijani, i bijanđa murše.
58 Ked lakoro jeri hem lakere komšije šunde so o Devel ćerđa laće baro šukaripe, radujinde pe olaja.
59 A ked e čhavore inele ofto dive, koro Zaharija čedinde pe o manuša zako obreziba e čhavoresoro. I mangle te den le lesere dadesoro anav–Zaharija,
60 ali i Jelisaveta phenđa: “Na! Lesoro anav ka ovel Jovan!”
61 A on phende laće: “Niko te jerjestar na vičini pe ađahar.”
62 I vastencar pučle e Zaharija savo anav mangela te del ple čhavore.
63 Tegani o Zaharija rodinđa te den le nesavo kotor ko savo pisinđa: “Lesoro anavi Jovan.” I sare čudinde pe.
64 I otojekhvar o Zaharija šaj ine palem te vaćeri, i lelja te slavini e Devle.
65 I uklinđa i dar sa lengere komšijen. Ko sa o bregalo krajo e Judejakoro vaćerđa pe adalestar so ulo.
66 I sare kola šunde adava, razmislinde adalestar hem phende: “Akava čhavoro isi te ovel baro manuš. Čačei upro leste o vas e Gospodesoro.”
67 A o Zaharija, e Jovanesoro dad, pherdilo e Svetone Duhoja hem prorokujinđa:
68 “Slava e Gospodese e Izraelesere Devlese adalese so alo hem otkupinđa ple narodo!
69 Vazdinđa amenđe zorale Spasitelje oto pleme e carosoro e Davidesoro, ple slugasoro
70 sar so vaćerđa pana angleder kroz o muja ple svetone prorokonengere.
71 Vazdinđa amenđe zorale Spasitelje te spasini amen amare dušmanjendar hem sa e manušengere vastendar kola mrzinena amen.
72 Mothovđa milost amare pradadenđe hem ispuninđa plo sveto savez
73 sovli savi xalja e Avraamese amare pradadese:
74 so ka ikali amen amare dušmanjengere vastendar te šaj kanda le bizi dar
75 ano svetost hem ano pravednost anglo leste sa đikote injam dživde.
76 A tu Jovane, mlo čhavo, ka ove pendžardo sar proroko e Najbare Devlesoro adalese so ka dža anglo Gospod te phrave lese o droma.
77 Ka sikave lesere narodo sar te pendžaren o spasenje kroz oprostiba lengere greja
Luka 1 in Arli Luka

Luka 1:3-77 in Chergash Luka

3 Zato vi me odlučisardem Teofile, te ramov tuće sa po redo, pošto pomno sa katar o početko istražisardem,
4 gajda aveja sigurno kaj si okova sikavipe savo primisardan pouzdano.
5 Ande vrjama kana vladilas o Judejsko caro o Irod, sas varesavo rašaj savo akhardolas Zaharije andar o Avijasko rašajesko redo. A e lešći romnji sas isto andar e Aronosko pleme. Lako alav sas Jelisaveta.
6 A liduj sas pravedne anglo Del, thaj trainas sa po zakono thaj pe okova so sas odredime anglo Gospod, bi manako.
7 A naslen čhavra, kaj e Jelisaveta našti ačhelas khamni, a liduj već phurile.
8 Jek đes kana o Zaharija služilas e Devlešće ando Hramo kaj po dužnost avilo o redo kana lešći grupa rašaja trubunas te služin,
9 prema e rašajengo običaj odabirisardine les gajda kaj čhudine e kocka te del ando Svetište e Gospodesko te kadil.
10 Pale vrjama kana kadilaspe ando Hramo, sa o them sas avri thaj molinaspe.
11 A e Zaharijašće sikadilo o anđeo e Gospodesko savo ačhelas pe desno rig e žrtvenikosko katar savo kadilaspe.
12 Kana dikhla les o Zaharije, zurale darajlo.
13 A o anđeo phendas lešće: “Na dara, Zaharija! Kaj si ašundi ćiri molitva: e romnji ćiri e Jelisaveta bijanela tuće čhave, thaj tu dele alav Jovan.
14 Zbog leste aveja bahtalo thaj radosno, thaj e buten raduila lesko bijandipe.
15 Kaj avela baro anglo Del. Či pijela mol niti pimo savo matarel. Pherdola e Sveto Duhosa još ando đi pire dejako.
16 Vo boldela e but Izraelconen e Gospodešće lenđe Devlešće.
17 Džala anglo Gospod sago glasniko pherdo duho thaj sila, sago o proroko Ilija. Pomirila e dades lešće čhavenca a e nepokorne umurja boldela gajda te prihvatisaren o razumnost okolengo save si pravedne. Pripremila o theme pale e vrjama kana o Gospod avela.
18 A o Zaharija phendas e anđelošće: “Sar me džanava kaj godova avela čačes? Kaj sem me purano thaj e romnji mungri dija ande pire purane brš.”
19 A o anđeo phendas lešće: “Me sem o anđeo Gavrilo, savo ačhav anglo Del te služiv, thaj bičhaldo sem te ćerav svato tuva thaj te javiv tuće akaja bahtali nevimata.
20 Zato kaj či paćajan akana zanemija thaj naštik ćereja svato dži ke o đes dok či avel e vrjama pale godova thaj mungre alava či pherdonpe.”
21 A o them ažućarelas avri e Zaharija, thaj začudisajle so gaći zadržisajlo ando svetište e Hramosko.
22 A kana napokon inljisto, naštik ćerelas svato, nego e znakonenca probisardas te phenel lenđe so sas ando Hramo, thaj von haćardine kaj sas les viđenje ando svetište e Hramosko.
23 Thaj kana završisajle e đesa lešće službaće ando hramo o Zaharije đelotar ćhere.
24 A posle godola đesa lešći romnji e Jelisaveta ačili khamni, thaj pandž čhon či inkljelas avri andar piro ćher thaj motholas:
25 “O Gospod milostivo dikhlas pe mande kaj fuljardas mandar o ladžavo anglo them.”
26 Kana e Jelisaveta sas khamni šov čhon, o Del bičhaldas e anđele Gavrilo ando cikno Galilejsko gav savo akhardolas Nazaret
27 ke Marija savi sas još čhej thaj sas mangli palo manuš, savesko alav sas Josif. Vo sas potomko e carosko Davidosko.
28 Kana o anđeo dijas late andre phendas laće: “Raduisar tu, kaj o Del si pherdo milosti prema tute! O Gospod si tusa.”
29 Pe godola alava e Marija uznemirisajli thaj počnisarda te gndil so značisarel godova pozdravo.
30 A o anđeo phendas laće: “Na dara Marija! Kaj o Del iskažisardas tuće piri ljubav.”
31 Ake ačheja khamni, thaj bijaneja čhave saves deja alav Isus.
32 Vo avela baro, thaj akhardola Čhavo e Majbaresko, thaj o Gospod Del delales autoriteto te vladil sago o caro David savo sas lesko prapapo.
33 Vo vladila e Jakovešće plemenova dži ko veko, thaj lešće carstvošće či avela krajo.
34 A e Marija phendas e anđelošće: “Sar godova avela kana sem me još čhej?”
35 A o anđeo phendas laće: “O Sveto Duho fuljela pe tute, thaj e Sila e Majbare Devlešći avela pe tute thaj zasenila tut. Zato vi okova savo bijandola avela sveto, thaj akhardola o Čhavo e Devlesko.
36 Ake vi ćiri bibi e Jelisaveta, ačhili khamni ande piri purani vrjama, čhavo avela lat. Okoja isto manušnji pale savi phenenas kaj naštik avelat čhavra već si šov čhon khamni!
37 Kaj e Devlešće khanči naj nemoguće!”
38 A e Marija phendas lešće: “Ake, sluškinja sem e Gospodešći. Neka avel manđe pe ćire alava.” Thaj o anđeo đelotar latar.
39 Ande okola đesa e Marija spremisajli thaj sigo uputisajli ando gorsko krajo e Judejako.
40 Kana aresli okote dija ande Zaharijasko ćher, thaj pozdravisajli e Jelisavetava.
41 Kana e Jelisaveta ašunda e Marijako pozdrav, o čhavro huklo ando lako đi, a e Jelisaveta pherdili e Sveto Duhosa.
42 Pale godova e bahtatar čhutas muj e bare glasosa: “Maj blagoslovime san tu Marijo katar sa e manušnja, thaj blagoslovime o čhavro ande ćiro đi.
43 Savi čast siman, te tu e dej mungre Gospodešći aves mande!
44 Kaj ake čim o pozdrav ćiro avilo džike mungre kan, e bahtatar o čhavro huklas ande mungro đi.
45 Blago tuće kaj paćajan kaj pherdola okova so phendas tuće o Gospod!”
46 E Marija askal phendas: “Barjarel e duša mungri e Gospode!
47 Thaj raduilpe o duho mungro e Devlešće mungre Spasitelješće.
48 Kaj milostivo dikhla pe mande piri ponizno sluškinja, thaj katar akana sa e manuša akharena man blagoslovime.
49 Kaj o silno Del, savesko si alav sveto, ćerdas manđe baro lačhipe.
50 Kaj o Del si milostivo; e milost lešći si katar e čang dži ke čang okolenđe save daran lestar.
51 Pire moćno vastesa ćerel silne dela thaj odbacisardas pestar okolen save si barikane ande pire ile.
52 Čhudas tele katar o prestolje e vladaren, a vazdas e poniznonen.
53 E bokhalen čaljarda e lačipeja, a e barvalen mukla čuče vastenca.
54 Huklo ando pomoć pire slugenđe e Izraelconenđe thaj či bistardas te avel milostivo
55 sago kaj obećisardas amare pra paponenđe, e Avraamešće thaj lešće potomkonenđe dži ko veko.
56 E Marija ačhili ke Jelisaveta varekaj katar trin čhon, a askal boldapes ćhere.
57 A e Jelisavetaće avili e vrjama te bijanel thaj bijanda čhaves.
58 Kana ašundine laće komšije thaj laći familija kaj o Gospod sas gajda lačho thaj milostivo prema late, raduisale zajedno lasa.
59 A kana e čhavres sas ohto đes o them ćidape po obredo te obrezin e čhavre. Thaj line te denle alav Zaharija sago kaj bučhol lesko dad.
60 Ali e Jelisaveta phendas: “Na! lesko alava avela Jovano!”
61 A von phendine laće: “Pa khonik ande ćiri familija či bučhol gajda.”
62 Zato e znakonenca phučline e čhavrešće dades sar vo kamel te den e čhavres alav.
63 O Zaharija manglas e pločica pe savi ramolas pe thaj ramosardas: “Jovano si lesko alav.” Thaj savora začudisajle.
64 Thaj odma o Del putardas lesko muj thaj oslobodisardas lešći čhib thaj o Zaharija počnisardas te ćerel svato thaj te slavil e Devle.
65 A e Devlešći dar lija sa lenđe komšijen po gorsko krajo e Judejako, thaj ćerelas pes svato pale akala događaja.
66 Thaj savora save ašundine pale akala događaja, gndinas thaj phučenas pes ande peste: “So avela katar akava čhavro? Čačes si o vas e Gospodesko pe leste.”
67 O Zaharije, o dad e čhavresko, pherdilo e Sveto Duhosa, thaj prorokuisardas alavenca:
68 “Blagoslovime o Gospod Del e Izraelosko kaj avilo thaj izbavisarda pire theme!
69 Vazdas amenđe silno spasitelje andar o potomstvo pire slugasko e Davidesko,
70 sago kaj dumut obećisardas po muj pire svete prorokonengo
71 kaj izbavila men katar amare dušmaja thaj andar e vas savorenđe save mrzana men.
72 Sas milostivo amare pra paponenđe thaj održil piro sveto savezo,
73 e solah savi dija e Avraamešće amare pra papošće.
74 Izbavisarda men andar amare dušmajenđe vas, te šaj služisaras lešće bi darako,
75 ando svetost thaj ande pravda angle leste dokle god sam džude.
76 Aj tu, Jovane čhaveja mungreja, akhardoja proroko e Majbare Devlesko kaj džaja anglo Gospod te lačhares lesko drom.
77 Sikaveja e Devlešće theme sar te pindžaren o spasenje kroz o jartipe lenđe bezehendar.
Luka 1 in Chergash Luka

Luka 1:3-77 in Lačho lafi taro Luka

3 gija i me, mangleja Teofile, tuče pisiv sa redasa, golese so sa taro anglunipe ispitujisadem.
4 Gija ka ave uverimo da okova so sikade tut tare Hristoso đuvdipe si čačipe.
5 Ano vreme e Irodeso o caro e Judejako sasa nesavo svešteniko tare Avijinaso redo, akhardola Zaharija, thaj lesi romni sasa taro pleme e Aaroneso, savi akhardola Jelisaveta.
6 A sesa solduj čačutne anglo Dol, thaj živisade palo vačaripe thaj palo zakono e Rajoso bizo nisavo bilačhipe.
7 Len naj sasa čhave, golese kaj i Jelisaveta naštine te ačhol khamni, a solduj đene sesa već purane.
8 Thaj jekh đive, o Zaharija kandija e Devle ano Hram golese kaj palo dužnost sasa leso redo,
9 kaj palo adeti e sveštenikurengo birisade le barbutosa te đal e Devlese te kadil ano Svetište e Rajoso.
10 Thaj but manuša sesa avral thaj molisajle e Devlese kana o Zaharija dija te kadil ano Hram.
11 A e Zaharijase sikadilo o meleko e Rajoso savo ačhilo ki desno rig taro oltari e kadimaso.
12 Thaj kana dikhlja le o Zaharija but darajlo.
13 Al o meleko vačarda lese: “Ma dara, Zaharija! Golese kaj ći molitva si šundi, thaj ći romni i Jelisaveta ka bijanol murše. Tu ka dele alav Jovan.
14 Thaj tu ka ave radosno thaj bahtalo, thaj but đene ka aven blagoslovime lese bijandimasa.
15 Golese kaj ka avol baro anglo Dol, thaj ni ka pijol mol thaj zuralo pijipe, thaj ka pherdol e Svetone Duxosa dok si ano vođi pe dako.
16 Thaj vov bute Izraelcuren ka iril anglo Rajo lengo Dol.
17 Thaj vov ka đal anglo Rajo sar manuš savo anol o haberi ano duxo thaj ano zuralipe sar o Ilija o proroko. Ka miril e ile e dadenđe premale e čhave, thaj okola so ni šunen e Devle te aven gođaver sar e manuša save čeren okova so o Dol phenol da si šukar. Sa kava ka čerol te pripremil e manušen te šaj aven spremna e Rajose avimase.”
18 Thaj vačarda o Zaharija e melekose: “Pal soste me gova ka đanav? Golese kaj sem purano thaj mi romni si bute beršenđi.”
19 Thaj phenda e Zaharijase o meleko: “Me sem o Gavrilo savo ačhav anglo Dol. Bičhaldo sem te vačarav tuče kava lačho lafi.
20 Thaj ak, golese so ni pačajan me lafura ka ave laloro thaj ni ka vačare đi gova đive đi kaj sa gova ni avol, thaj me lafura ka pherdon.”
21 Thaj avral e manuša ađučarde e Zaharija, thaj čudisajle sose gači majisajlo ano sveto than e Hrameso.
22 A kana iklilo o Zaharija naštine te vačarol. Vov dija len znakura golese kaj sasa laloro, thaj e manuša haljarde kaj diklja dičhipe đi kaj sasa ano sveto than e Hrameso.
23 Thaj kana nakhle e đivesa tar leso kandipe ano Hramo o Zaharija đelo čhere.
24 A pale kala đivesa ačhili khamni i Jelisaveta lesi romni, thaj ni iklili avral panđ čhon thaj vačarda:
25 “Gija čerda manđe o Rajo ane kala đive kaj pelo lese žal manđe! Uljarda mandar kaja lađ kaj ni sasa ma čhave.”
26 A kana i Jelisaveta sasa šovto čhon khamni o Dol bičhalda e meleko e Gavrilo ano cikno foro Nazaret ani Galileja.
27 Ki jekh čhej Marija savi sasa mangli romese e Josifese savo sasa tari kuštik e carosi e Davidesi.
28 Thaj avilo late o meleko o Gavrilo thaj phenda: “Av radosno, so arakljan milost. O Rajo si tusa. Blagoslovimi san maškare đuvlja!”
29 A voj kaj dikhlja e meleko darajli tare lafura lese thaj dija gođi savo sasa kava pozdrav?
30 Thaj phenda lače o meleko: “Ma dara, Marije! Golese kaj arakljan milost anglo Dol.
31 Ak, ka ačhe khamni, thaj ka bijane čhave, thaj ka dele alav Isus.
32 Vov ka avol baro, ka akhardol Čhavo Embareso, thaj ka dole o Rajo o Dol autoritet te vladil sar caro, sar o David tar lesi kuštik so čerda.
33 Thaj ka caruil ane kuštika e Jakovese sa e đivesa, thaj lese carstvose ni ka avol krajo.
34 A i Marija pučlja e meleko: “Sar ka avol gova kana sem me vađi čhej?”
35 Thaj vačarda lače o meleko o Gavrilo: “O Dux Sveti ka avol pe tute, thaj o Zuralipe e Embareso ka učharol tut. Golese kaj gova so ka bijandol ka avol sveto, thaj ka akhardol Čhavo e Devleso.
36 Thaj ak, ći bibi thaj voj ačhili khamni ane purane berša i ka bijanol murše. Thaj voj savi naštine ačhol khamni, akana si šov čhon khamni.
37 Golese kaj o Dol šaj sa so phenol!”
38 A i Marija phenda: “Ake i me sem sluškinja e Rajosi. Nek avol palo ćo lafi!” Thaj o meleko đelo latar.
39 A i Marija pale gola đivesa spremisajli thaj siđarda ani bregali phuv ano foro e Judejako.
40 Kana resli odori, đeli ano čher e Zaharijaso, thaj pozdravisajli e Jelisavetasa.
41 Thaj kana i Jelisaveta šunda o pozdrav e Marijako, čhelda o čhavo ane lako đi, thaj i Jelisaveta pherdili Sveto Duxo.
42 Thaj dija vika thaj vačarda e Marijaće: “Em but san blagoslovimi maškare sa e đuvlja, thaj blagoslovimo o čhavo an ćiro đi.
43 Kotar manđe kava čast kaj tu i dej me Rajosi aviljan ke mande!
44 Golese dik, kana šundem ćo pozdrav ane mingre kana, čhelda o čhavoro ane mo đi.
45 Thaj blago tuče so pačajan kaj ka čerdol kova so vačarda tuče o Rajo!”
46 Thaj i Marija vačarda: “Slavil mo ođi mingre Rajo!
47 Thaj mo dux blagoslovimo si ano Dol mingro o Spasitelji,
48 so sasa milostivno pe sluškinjaće piraće, golese dik, od akana ka akharen ma blagoslovimi sa e manuša.
49 Golese so čerda manđe but šukaripe o Zuralo Dol, sveto si leso alav!
50 Vov si milostivno sa e manušenđe tare sa e kuštika save daran lestar.
51 Sikada po zuralipe pe vastesa, čhudija e barikanen ane mislura lenđe ilenđe.
52 Čhudija e vladaren taro lengo tron, thaj vazdija e teljarden.
53 E bukhalen čaljarda šukarimasa, thaj e barvalen mukhlja čuče vastencar.
54 Pomožisada e Izraele ćire sluga te dolpe gođi taro milost,
55 sar so vačarda amare kuštikenđe, e Avraamese, thaj lese kućinaće đi ko poslednjo đive.”
56 Thaj i Marija bešli e Jelisavetasa paše trin čhon, thaj pale gova irisajli čhere.
57 A i Jelisavetaće avilo o časo te bijanol, thaj bijanda čhave.
58 Thaj kana šunde lače pašutne thaj lačhi familija kaj o Rajo sasa šukar pe late, radujisajle lasa.
59 Thaj kana o čhavoro sasa ohtoto đive, avile te čeren le suneti, thaj manglje te denle alav-Zaharija.
60 I Jelisaveta vačarda: “Na, leso alav ka avol Jovane!”
61 Thaj phende lačhe e pašutne: “Naj tumen khoni ani ćiri familija gole alavesa!”
62 Thaj pučlje e dade e Zaharija vastencar sar bi vov manđola te dol leso alav.
63 Thaj o Zaharija manglja khanči pe soste šajine te pisil, thaj pisisada: “Jovan ka avol leso alav.” Thaj savore čudisajle.
64 Thaj o Zaharija lija te vačarol, thaj lija te slavil e Devle.
65 Thaj i dar e Devlesi avili ane sa e pašutne lenđe, thaj ki sa i bregali Judeja šundilo kava so sasa.
66 Thaj savore dije gođi tar gova: “So ka avol kale čhavese? Golese so o va e Rajoso sasa pe leste.”
67 Thaj o Zaharija, o dad e Jovaneso, pherdilo e Svetone Duxosa thaj prorokuisada:
68 “Blagoslovimo o Rajo o Dol e Izraeleso so avilo thaj ikalda pe manušen!
69 Thaj vazdija amenđe e zurale Spasitelje tari kuštik e Davidesi pire slugasi,
70 sar so vačarda andare muja tare sveta prorokura pire ano purano vreme
71 kaj ka ikalol amen tare amare dušmanura thaj tare vasta save mrzin amen.
72 Savo sasa milosno amare kuštikenđe, thaj ispunisada po sveto Savez,
73 Savez savo dija e Avraamese amare paradadese. Kaj ka dol amen
74 te ikala amen tare vasta amare dušmajenđe, thaj te kanda e Devle bizi dar,
75 ano svetost thaj ano pravednost angle leste sa dok sam đuvde.
76 A tu, Jovane mo čhavo, ka akhardo proroko Embareso golese kaj ka đa anglo Rajo te čere leso drumo.
77 Ka sikave lese manušen sar te pinđaren o spasenje prekalo oproštenje tare lenđe grehura,
Luka 1 in Lačho lafi taro Luka

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!