Luka 19:34-43

³⁴Nawo wedika, “Mtwatsa kombama.”

³⁵Kuya wamghala kwa Yesu, watandika maghwanda ghao mmughongo mwa imwana we ipunda wamdinitsa Yesu mchanya mwake.

³⁶Na hang'ali yoghenda, iwanu watandika maghwanda ghawo mnzila.

³⁷Hapfikile habehi na mhulumko ghwa chidunda cha Mitseituni, mtingano mkulu ghwe iwanang'ina wake wandusa kudeng'elela na kumtunya Imulungu kwa kukemelela, kwa aghala makulu ghawonile.

³⁸Walonga, “Kebweda Imndewa iyakutsa kwa taghwa lye Imtwatsa! Kulanga kukale tseghamba, ne utunitso kuchanya kulanga!”

³⁹Mafarisayo wamwenga iwakalile mna mtingano ghula wamlongela Yesu, “Mlangulitsi, uwalonge iwanang'ina wako wenyamale!”

⁴⁰Yesu kawedika, “Nowalongela, hawano wang'enyamala, ghamabwe ghano ghatsolapfa litsi.”

⁴¹Hapfikile habehi na Yerusalemu na kughwona ghumji, kaghulilila,

⁴²kalonga, “Ung'amanyile leloli ipfinu ipfighala tseghamba! Lekeni sambi pfifisighwa mnenge mwako.

⁴³Kwaapfila ghamatsuwa ghatsokutsila, iwehile wako hawatsotsenga maboma, watsokupfingilila na kukubanyabanya chila ubali.