32 Iesuꞌa ziroteꞌe idunaḡano ze onamiro ebu doniki modohuḡa horoniro.
33 Ze eꞌe fuhiꞌeꞌenogano, doniki modohuḡa eꞌe azaḡaniꞌa ḡadiziro, raenaꞌa, “Za nogadu eꞌe fuhiꞌeꞌohe?”
34 Zeꞌa naenaeninaꞌa, “Zuhiꞌa Boroꞌa urateꞌohe.” Ze ꞌouge reirotene doniki modohuḡa azaḡaniꞌa ziniro.
35 Ebu ze doniki modohuḡa mae Iesu vaḡe onamadu dabuaze doniki modohuḡa ḡarunio zahariro, ebu Iesu ani rana tiriro.
36 Iesuꞌa onameꞌeteꞌe zamaḡano, vaze ḡuḡuvaḡaniꞌa dabuaze ane ibio hirau onamiro.
37 Ebu ani Olive maḡanonoꞌo ovoeꞌeteꞌe ibiḡa hanitiro. Eꞌea Iesu ḡaruna hegoteꞌeteꞌe vaze ḡuḡuvaḡa niduꞌa onameꞌenogano matuꞌuzeta huauꞌenaꞌa, Badiꞌa niguniro, mazaḡa ze Iesuꞌa haḡainuteꞌe haḡai gigiꞌaḡa niduꞌa horoniro.
38 Zeꞌa raenaꞌa, “Zuhiꞌa Boro ane niḡano onaeꞌeteꞌe kiniḡa nigunoꞌi! Adureo uniho manoḡa, ebu hitana huneo Badiꞌa nigunoga!”
39 Rehano vaze ḡuḡuvaḡa boꞌaḡano Farisea azaḡa nuꞌa raenaꞌa, “Ihore vazeḡa, ḡa ḡaruna hegoteꞌeteꞌe azaḡaniꞌa ꞌouge raꞌeteꞌe gararoꞌi!”
