37 Wamgamba, “Yesu wa Nazaleti ajinkila hano.”
38 Aguta, “Yesu! Mwana ywa Daudi! Nifila mbazi!”
39 Wantu walongole wamkwahila nakumgamba anyamale. Mna niyo agutisa, “Mwana ywa Daudi! Nifila mbazi!”
40 Elo Yesu niyo achimala nakuwalagiza wamwigale yudya tuntu kwakwe. Eze abule hajihi, Yesu amuza,
41 “Waunga hudamanyize mbwani?” Ahitula, “Zumbe,” “Naunga niwone naho.”
42 Yesu amgamba, “Kwaivyo wana! Uzumizi wako ukuhonya.”
43 Ahadya yudya tuntu niyo adaha kuwona, niyo amtimila Yesu, kuno akamhongeza Chohile. Fyo dize diwone ivyo, wose wamtunya Chohile.