26 Motong la koonoo pang kapraingi ke tamana tina ngan atu a isi le si itoru nen, ‘Ai, di tooltool ngo tiyeie soo so?’
27 “Ngan kapraingi tani iwete panga nen, ‘Taim tani in imulu a iman oo, ngan la le tamam iraumata bulumakau natunu atu yo itup welewele i, in ye, yesoo tamam lon ponana ye yo ikamata taim a ipa dook mata le man pombe mulu nga.’
28 “Ngan natunu yo mai in ilongo betanga nen, le nga katen malmal le lono be ilo rumu lono tiap. Motong la tamana ipas a idu tana be du iwete silli, inbe ikarata betanga panga.
