Luka 10:25-34 in Vlax Romani

²⁵ I dikh, jekh dive sar o Isus ine sikaj, nesavo učitelj e Mojsijasere zakonestar uštino te pučel le nešto sar te iskušini le, i pučlja: “Učitelju, so valjani te ćerav te dobinav o večno dživdipe?

²⁶ A o Isus phenđa lese: “Soi pisime ano e Mojsijasoro zakoni? So čitineja adari?”

²⁷ I ov phenđa e Isusese: “Mang e Gospode te Devle sa te vileja, sa te dušaja, sa te snagaja hem sa te gođaja; hem mang te pašutne sar korkore tut.”

²⁸ Tegani o Isus phenđa lese: “Šukar phenđan. Ćer ađahar hem ka ovel tut o večno dživdipe.”

²⁹ Ali o učitelj e Mojsijasere zakonestar manglja te opravdini pe i pučlja e Isuse: “A koi mlo pašutno?”

³⁰ A ko adava, o Isus phenđa lese akaja paramiz: “Nesave manuše, sar ine huljela tari diz Jerusalim ki diz Jerihon, dolinde o čora. On lelje lestar sa, đi o šeja. Edobor marde le da o manuš samo so na ine te merel. Tegani o čora cidinde pe olestar, a o manuš pašlilo ko drom hem na džanđa pese.

³¹ Na nakhino but, i nekotar adale dromeja sar huljela ine nesavo svešteniko, dikhlja e manuše sar pašljola ko drom i nakhino avrethar.

³² Ađahar da nesavo levit: alo đi adava than kote o manuš pašljola, dikhlja le i nakhino oti aver strana adale dromesiri.

³³ A inele nesavo Samarijanco savo džala ine adale dromeja. Ked reslja đi ko than kote o manuš pašljola, dikhlja le, i pelo lese žal olese.

³⁴ Tegani o Samarijanco alo đi o manuš, čhorđa ulje hem mol upro lesere rane te kosel len hem paćarđa len. I vazdinđa le upro plo xer hem legarđa le ko čher kote lovenđe šaj te xal pe hem te sovel pe, i adari brininđa pe olestar.

²⁵ Jekhvar uštilo jek sikavno e Mojsiješće zakonestar thaj phučlas e Isuse te probiles: “Sikavneja, so trubul te ćerav te dav ando večno trajo?”

²⁶ A vo phendas lešće: “So ramol ando Mojsijesko zakono? So okote čitosardan?”

²⁷ Askal o manuš phendas “Čumide e Gospode Devle ćire će saste ileja, ćire saste dušava, ćire saste snagasa ćire saste gođasa, thaj volisar ćire pašutne sago kaj volis korkoro tut!”

²⁸ Pe godova phendas lešće o Isus: “Lačhe phendan. Godova ćer thaj avelatu večno traija.”

²⁹ Ali vo lija te sikavelpe pravedno, thaj phučla e Isuse: “A ko si mungro pašutno?”

³⁰ A o Isus phendas: “Varesosko manuš fuljelas andar o Jerusalim ando gav savo akhardolas Jerihon. Thaj astardine les e razbojnikurja. Von čhudine lestar e drze, mardinele thaj đeletar. O manuš ačhilo te pašljol opaš mulo.

³¹ Slučajno godole dromesa naćhelas varesosko židovsko rašaj, dikhlale thaj nakhlo gajda kaj zaobiđisardale.

³² A gajda vi o levito rašajesko pomoćniko: nakhlo kotar, dikhlale thaj nakhlo paše leste.

³³ Varesosko putniko Samaritanco areslo dži leste, dikhlale, thaj sažalisajlo pe lestevrama.

³⁴ Avilo dži leste thaj thoda e rane lešće e uljesa thaj e molasa thaj paćardalen. Thaj čhutale pe piro magarco, Inđardale ande gostionica thaj pobrinisajlo pale leste.

²⁵ Thaj uštilo jekh tare učitelja taro Mojsijaso zakono te iskušil e Isuse thaj pučlja le: “Učitelju! So trubul te čerav te avol ma đuvdipe bizo meripe?”

²⁶ A o Isus vačarda lese: “So si pisimo ane Mojsijaso zakono? Sar tu gova haljare?”

²⁷ A vov phenda e Isusese: “Čumide e Rajo e Devle ćire sa e ilesa ćiresa, sa e ođesa ćiresa, thaj sa e zorasa ćirasa, thaj sa e gođasa ćirasa, thaj mang će pašutne kozom manđe korkore tut.”

²⁸ A o Isus vačarda lese: “Šukar vačardan. Čher gova thaj ka avol tut đuvdipe bizo meripe.”

²⁹ A o učitelji taro zakono manglja te pravdilpe, pa pučlja e Isuse: “Ko si mo pašutno?”

³⁰ A o Isus vačarda lese: “Jekh manuš ulilo taro Jerusalim ano foro savo akhardol Jerihon, thaj dolde le e čora, save uljarde lese šeja thaj marde le. Đele pese thaj ačhade le opaš mule pašo drom.

³¹ Thaj slučajno gole dromesa nakhlo nesavo jevrejsko svešteniko, thaj dikhlja le em crdijape lestar ki aver rig thaj nakhlo.

³² Gija thaj i o Levito e sveštenikoso sluga kana avilo ke gova than avilo paše, dikhlja le thaj nakhlo.

³³ A nesavo Samarijanco avilo paše leste, dikhlja le pa pelo lese žal.

³⁴ Thaj avilo koslja e manušese rane uljesa thaj moljasa, thaj pačarda len, Čutale ke po her thaj inđarda le ani mehana, thaj dikhlja pe leste.