Luk Nandaꞌafi 11:10-13

¹⁰Deiꞌ main, epes ami sogahaliꞌ Godi, sofaꞌ maefah. Epen ami nela negelaoma hiahawesi, atiasi higatilisi. Eaꞌ epen ami negaha utai, atiasi God nuwisiꞌmanata anin.

¹¹“Iꞌi anin awani nigahaliꞌ ahaman ananini nogasoꞌan anol aol, anen ina atiasi nosoꞌan anol ul awali, owaꞌatin.

¹²Iꞌi awani nihaliꞌ ahamana nogasoꞌana anomb kohomb, atiasi nosoꞌan anol aunil awali? Isimba wapani, owaꞌatin.

¹³Eaꞌ ipaꞌ amam nematawa aupai pagasoꞌasa hiahawes fasisi atisa awasi ipeꞌisii, ahamepa ipeꞌinai nagape heveni anen wapani atiasi nosoꞌasa Ambal buꞌwinai ananinai isimba sagahaliꞌanai.”