20 Kɔ Yesu eyif ŋa sɔ: «Kɔ cəke cɔ nəna nəŋcɛm-cɛmnɛn’em kəyɔnɛ-ɛ?» Kɔ Piyɛr oloku Yesu: «Wəyɛk-yɛk wəka Kanu məyɔnɛ.»
21 Kɔ Yesu entiŋ-tiŋ ŋa kəcaŋkɛ ti, ta ŋaloku ti fum o fum.
22 K’ɔnɔcər a pənamar dis dɔlɔl Wan ka fum bel-bel; abeki, aloŋnɛ apɔŋ kɔ atəksɛ sariyɛ ŋabɛləs kɔ; padif kɔ; pəyɛfɛ defi tataka tɔn ta maas.
23 K’oloku afum fəp ntɛ: «Kɔ fum ɛfaŋ kəcɛps’em-ɛ, wəkayi pəsak kəcɛm-cɛmnɛ tetɔn ta sərka, wəkayi pəwosɛ kəsak mɛfaŋ mɔn pəwosɛ kətɔrɔ haŋ pəfi dɔsɔk o dɔsɔk, pəcəm’em darəŋ.
24 Bawo, nwɛ o nwɛ ɛfaŋ kəyac kəyi doru kɔn mɔ, kəŋsalpər kɔ; mba nwɛ o nwɛ ɔ kiyi kɔn doru kəsalpər kɔ tetem mɔ, ɛyac ki.
