8 kulaali Yesus asiik bokola ko: Daa te! God ami Sukon Tem uyo boko-lomdu: God maakup ata-kup kapni tunum Dukum kemin, kabi tilik duung fakela-lomdap, ami win kaata-kup kufon-bam ale, ami weng kaata-kup weng san-kaaman o kalsu te! aka ko.
9 Aka kanum bokolale, kulaali Setaan ayo Yesus dap-tamala tii umbitam Jerusalam kawu daale, dibii tam lotu am awak dukum win sokan kaami liip kutal-fuku umbitam asal am desip umi dibim diim kawu daale, bokola ko: Kabi tifan God ami Man namti, mafek mafek ma kaata taba-lomdu telokomu dinim; kemin, asal kalawu uunfoko umbalaak tawaal diim abamnan aa! akale,
