38 Tesol kahikahin ukek, “Amite apeasawen. Hua ngol weluwelun ti hile ie.” Tuahe Jises ukek, “Ape tapan. Kum kakak waliko tenen ien.”
39 Muhin ien Jises nahih ahuta ti Jerusalem ape i nahih hani tehu Maunt Oliv, masin ti lawe i ailele. Ape tesol kahikahin kahiti i.
40 Taen ti lato tahiawa, i kakane lato ukek, “Amuto lotu petawa lehe totohong kum haputa amuto.”
41 Jises nahih ahewa teik, i lokuha ape i lotu.
