Luk 1:67-78

⁶⁷Godna Hamwinya dé wun nyanéna yafa Sekaraiana mawulimbu wulaaye té. Téndéka dé Godna hundi angi wa:

⁶⁸Nani Israelna du takwa, nana Néma Du Godna ximbu harékétame. Naniré yikafre hurunjoka dé gaya. Gaye dé Satanéna tambambu naniré hératandé.

⁶⁹Godna jémba yakwa du Devitna hémémbu némafwi hambuk du dé taka. Takandéka dé naniré mama duna tambambu hératandé.

⁷⁰Godna profet wandanéngala dé xaku.

⁷¹Wunde profet di angi wa, “Nana mama du, nanika hélék yakwa du akwi, naniré xiyanandat, God naniré hératandé, deka tambambu.”

⁷²God dé wungi nana mandékanguka saréfa nae. Dé déka yikafre wasékérékéndén hundika sarékéta wandén maki dé huru.

⁷³Wun mwi hundi God dé nana mandéka Abraham déka hémré akwi dé wasékéréké. Wandén maki dé naniré yikafre huruta naniré nana mama duna tambambu hératandé. Hérandét nani déka roohafi yata déka jémba yatame.

⁷⁵Jémba yata nani ané héfambu reta atéfék nukwa déka du takwa male reta yikafre sémbut male hurutame.

⁷⁶Wun hundi wataka dé Sekaraia déka nyanré angi wa: Méni wuna nyan, méni tale ye Néma Duna yambu hurutaméni. Yitemékaka du takwa ménika watandi, “Anwarmbu rekwa Godna profet méni.” Wungi watandi.

⁷⁷Méni wun Néma Duna du takwaré wataméni, di hurundan haraki saraki sémbut yakwanyi diré hérae Godna tambambu takatendékaka.

⁷⁸God nanika némafwimbu saréfa nandénka némbuli male déka yikafre hanyikwa ya déka getéfambu gaye nanika hanyitandé.