40 kare la lekala tena uma Sekaraia, kare meneng uaha tang Elisabet.
41 Tar binaka ke longoro Elisabet tena meneng uaha Maria, a guamene re uangoul teil tang Elisabet ke siaka kai keip tar niuah, doh Elisabet ke uoun tun tar Iabena Dedeil,
42 kare mene ualeik ualutara pare, “God ke guata uaiantiehe tun totomua, a i rana uain tasir gisiamehe ro kuah, kare guata uaiantiehe tun tar keketik gero turung pohoia!
43 Inggo deh ahik paha kuaha uaia mare me ruh koutur kuaha gere uatinanain nag Tamata Nomano.
44 Gine ku longoro pe inggo tar meneng uaha ko menegia, a guamene i lolono totoguo ke siaka kai keip tar niuah.
45 Doh ingga ra turung guata uaia tunuia ro tagorong mana teil pe tar haua ke meneinir Tamata Nomana totomua e turung kotpokoso tun toro man.”
46 Kare kula Maria pare, “A kolouguo e uatakai tar hanganar Tamata Noman.
47 Doha iabeiguo e uahantiehe tun tang God ge nag tang Uelkarusio.
48 Teeit ke namana uanono peono tena kuahang kalekinale re kale uahiua pein. Uakekena tur daan o mamang babeir tamata ra turung kula totoguo ka guata uaia keipio tar niguata uleik.
49 Ge God pe ter tang sioko ger uleikintiehe na nitampopokoh, kara dedeilir hangan teke guata tar uleikir niguata totoguo.
50 Na niueldolomono e la tasisit ra ueltad, kara longoro tatanon, e uakekena tur pe tar babeir tamatang daan, kare uelueluahiuela tasir tamatang gaat i muduhia.
51 Inggono ke uatouo ualasira keip tar limana tar uleikir nitou, kare geil ueltebeir tasisit re uairana keipis teresir ninaman.
52 Inggono ke guata tasir gisiameher toia ka touahiuais, bo ke kale kai puk tasisit re kale uahiuais.
53 Inggono ke uauoun tasisit ra gogo tar inete uaia, kare uelueltula liu tasir tang inete ra uasabelima teil puk.
54 Inggono ke poul i Israel gesno tamatang kalekinaleono tar namana huara tar niueldolomo geke ualapagah keipiono tang Abraham menia toso bunguna tar mamang binakalik.”
