Luk 18:37-43 in Yessan-Mayo

³⁷ Rem rene sein op wem. Nasaret kwomri Jisas re yabo.

³⁸ Re yaye op wem. Jisas, ne Devit eterri tame beig. Ne anne pap mette.

³⁹ Kiyi temnam tame rem rene sewayen op wem. Ne elen me te. Op wemke, re sene yaye tem. Ne Devit eterri tame beig. Ne anne pap mette.

⁴⁰ Jisas re yan teten remne op wem. Kem rene arenne panen yate. Rem rene panen yamke, Jisas re rene op wemetem.

⁴¹ Ne selye, an nene berke nente? Re sein op wem. Haneyen, an selye, an le sene heyar late.

⁴² Jisas re rene op wem. Neri le heyar tete. Ne anne omuteke habobo, an nene heyar nente. Eker ne heyar teye.

⁴³ Reri wem tuma egegekene reri le yenbo tem, re welepe sene lam. Re Jisas rene semowen yibem, re God reri sig bukre webem. Tatame rem op lam, rem God reri sig bukre kirkir webem.

³⁷ Eme erne awosein etep wom. Nasaret komri Jisas eter yabe.

³⁸ Etep womke, ere noubke etep tem. Jisas, ne Devit eteri nan. Ne ane kobo late.

³⁹ Etep womke, kiyi taresim tame eme erne wotaken etep wom. Ne elen me te. Etep womke, ere noubke sene etepke tem. Ne Devit eteri nan. Ne ane kobo late.

⁴⁰ Etep womke, Jisas ere yan teten emne etep wom. Kem erne arenke panen yate. Etep wom, ere Jisas erne mekinke yam.

⁴¹ Jisas ere erne etep wometem. Ne abobe, an nene beke nente? Ere awosein etep wom. Aneyen, an aboye, an le sene noub late.

⁴² Jisas ere erne etep wom. Neri le yenbo teye. Ne ane kenawaike etep abobe, an nene noub eyarte. Etep abobe, eke nereri le yenbo teye.

⁴³ Etep womke, eri wom tuma agetage ete tame eri le kuyese lam. Lam, ere Jisas erne semowun yibetem, ere God eri sig eisau wobetem. Wobetem, tatame eme etep lam, eme God eri sig eisau kir wobetem.