27 Jisösnöŋ keu mewö jiba mali ambazip kambu sutŋineyök ambi kunŋan qeta Jisös kewö jii mörök, “Gömokni, ambinöŋ gölöm ala gömimba juzu gumohom gihiyöhi, nöŋön yaŋgö mötpi simbawoŋ akza.”
28 Mewö jiyökmö, Jisösnöŋ kewö meleŋnök, “Mi jizanmö, nöŋön kewö jimam: Ambazip Anutugö keugöra kezap ala möta tem köla köl gulimakzei, yeŋön mönö simbawoŋ akze.” Mewö.
29 Ambazip kambunöŋ tokogetka qariiga Jisösnöŋ toroqeba keu kewö jiyök, “Ambazip merak gölmenöŋ maljei, mi kambu bölöŋa. Yeŋön Anutugö aiwesökŋaŋgöra kapaŋ kölakzemö, aiwesök kun kezapqetok azi Jonagöra lök asuhuyök. Anutunöŋ aiwesök murutŋi kun qahö al eŋgima.
